اسلام امیرلیگی باش وزیرینینگ اقتصادی اورین باسرلیگی، قویاش ۱۴۰۴-ییلنینگ بیرینچی آلتی آییده ۵۸۰ میلیون دالرلیک قوروق و تازه میوه چیت ایل مملکتلر گه صادر قیلینگنینی معلوم قیلدی.
اوشبو اداره، بوگون (۲۶-عقرب/۱۷-نومبر، دوشنبه) ایکس صحیفهسیده بیر بیانیه ترقهتیب بو حقده خبر بیردی.
بیانیه گه کوره، قوروق میوهلر انجیر، پسته، بادام، جلغوزه، یانغاق و مهییز و تازه میوهلر اېسه اوزوم، اوریک (زردآلو)، قاوون، تروز، گیلاس، ناک و باشقه بعضی میوهلرنی اوز ایچیگه آلهدی.
اوشبو میوهلر کوپراق هندوستان، روسیه، چین، اۉزبېکستان، سعودی عربستان، قزاقستان، قطر، ایران، عراق، بیرلشگن عرب امیرلیگی، پاکستان، تاجیکستان و باشقه بیرقطار مملکتلر گه صادر قیلینگن.
اسلام امیرلیگی باش وزیری اقتصادی اورین باسرلیگینینگ معلوماتی اساسیده، اوشبو میوهلر مملکتنینگ ییر و هوا یونهلیشلری آرقهلی صادر قیلینگن.
بیانیه گه کوره، شو سببلی اسلام امیرلیگی قۉشنی، منطقه و دنیا مملکتلری بیلن ییر یوللرینی قوریش یانیده تیمیر یول و هوا یونهلیشلرینی فعال قیلیش گه سعی-حرکت قیلماقده.
