فلسطین ساغلیقنی سقلش وزیرلیگی، اسرائیلنینگ غزه تورلی حدودلریده اویوشتیرگن هجوملری عاقبتیده ۸۸ کیشی قربان بولیب و باشقه ۲۰۸ کیشی یرهلنگن.
خلقارا یېتکرمهلرنینگ معلوماتی اساسیده، بو کیشیلر سۉنگی ۲۴ ساعت ایچیده اسرائیل اردوسینینگ النصیرات، خانیونس شهری و غزه مرکزی حدودلریده اویوشتیرگن هجوملری طفیلی قربان بولگنلر.
بیزلرنینگ فیسبوک صحیفهمیزگه باش اورینگ!
معلوماتلر اساسیده، غزه گه اسرائیل هجوملری طفیلی قربان بولگنلردن کوپینچهسی دیوارلر آستیده قالگن و قوتقروو تیملری اولر گه یاردم بیره آلمهیدیلر.
شو بیلن بیرگه، غزهده طبی خذمت کورسهتیش جریانی قیینچیلیک بیلن روپهره بولگن. بیرلشگن ملتلر تشکیلاتی، غزهده ۳۶ کسلخانهدن ۱۶ کسلخانه فعال بولیب و آز طبی خذمت کورسهتیش گه قادرلیگینی اېتگن.
بیزلرنینگ «ایکس» ترماغی ده هم تعقیب قیلینگ!
غزهده اسرائیل و حماس اورتهسیده آتیش کېسین برقرار اېتیلیشی اوچون ینگی مذاکرهلر باشلنگن بیرحالده، بو هجوملر اویوشتیریلگن.
فلسطین ساغلیقنی سقلش وزیرلیگی، اسرائیل و حماس اورتهسیده توقنشوولر باشلنگنیدن حاضرگه قدر، ۴۵ مینگ ۸۰۵ فلسطینلیک قربان بولیب و باشقه ۱۰۹ مینگ ۶۴ مینگ کیشی یرهلنگنینی معلوم قیلگن. اوشبو مدت ایچیده اسرائیلنینگ قریب ۷۰۰ عسکری هلاک اېتیلگن.
