افغانستان برق ییتکزیش شرکتی (برشنا)، اوزبیکستان وارداتی برقینینگ تنگی تاشقرغان منطقهسیده قیته باغلنگنیدن خبر بیرگن.
مذکور نهاد، بوگون (۱۷-دلو، جمعه)، اکس صحیفهسیده، فنی قیینچیلیک سبب کیسیلگن ۲۲۰ کیلوولت برق انتقال بیرووچی لینینینگ قیته باغلنگنینی یازگن.
برشنانینگ کوپهیتیریشیچه، بو قیینچیلیک حلی بیلن سمنگان، بغلان، پروان، پنجشیر، کاپیسا، کابل، لوگر، پکتیا، خوست، میدانوردک، غزنی، ننگرهار و لغمان ولایتلری برقی، قیته عادی وضعیتگه قیتگن.
افغانستان نیازی بولگن ۸۰ فایز برقنی ایران، تاجیکستان، تورکمنستان و اوزبیکستان دن وارد قیلهدی. بوندن آلدین برشنا، افغانستان ده برق کملیگی قیینچیلیگی حلی، بو بولیمده خلقارا لایحهلرنینگ قیته باشلنیشیگه نیازی بار دیگن ایدی.
