افغانستان برق ییتکزیش شرکتی (برشنا)، اوزبیکستان وارداتی برقینینگ تنگی تاشقرغان منطقهسیده کیسیلگنیدن خبر بیرگن.
مذکور نهاد، اوتگن کون (۱۶-دلو، پنجشنبه)، اکس صحیفهسیده یازیشیچه، اوزبیکستان وارداتی برقی نائبآباد-پلخمری یولیده جایلشگن ۲۲۰ کیلوولت برق انتقال بیرووچی لینیده فنی قیینچیلیک چیققنی سبب، کیسیلگن.
برشنانینگ کوپهیتیریشیچه، اوشبو قیینچیلیک چیققنی بیلن سمنگان، بغلان، پروان، پنجشیر، کاپیسا، کابل، لوگر، پکتیا، خوست، میدانوردک، غزنی، ننگرهار و لغمان ولایتلری برقی کیسیلگن.
افغانستان برق ییتکزیش شرکتیگه کوره، مذکور نهادنینگ فنی تیملری هوا شرایطی عادی بولیشی بیلن، بو قیینچیلیک حلی و ترمیم عملیاتینینگ باشلشلری ممکن.
افغانستان نیازی بولگن ۸۰ فایز برقنی ایران، تاجیکستان، تورکمنستان و اوزبیکستان دن وارد قیلهدی.
بوندن آلدین برشنا، افغانستان ده برق کملیگی قیینچیلیگی حلی، بو بولیمده خلقارا لایحهلرنینگ قیته باشلنیشیگه نیازی بار دیگن ایدی.
