مهاجرلر وزیرلیگی رسمی‌لری بوگون (چهارشنبه، ۱۸ اسد)، «دولت نینگ ملت گه حساب بیریش» دستوری ده، چیت ایل اولکه‌لریده ایریم واقعه‌لر سبب وفات ایتگن افغانستانلیک ۸۰۰ مهاجر نینگ جسدی، مملکت گه آلیب کیلینگنیدن خبر بیره‌دیلر.
شونینگدیک مهاجرلر وزیرلیگی رسمی‌لری گه کوره، اوشبو وزیرلیک تشقی مملکت‌لرده انسان قاچاقی خوفی بیلن دوچ بولگن افغانستانلیک ایکی مینگ ۹۰۰ مهاجرنی اولکه گه آلیب کیلگنلر.
بیزلرنینگ فیسبوک صحیفه‌میزگه باش اورینگ!
مهاجرلر وزیرلیگی نینگ مالی و اداری معینی محمدارسلا خروتی نینگ ایتیشیچه: «اوتگن بیر ییل ده مهاجرلر وزیرلیگی، چیت ایل اولکه‌لریده ایریم دلیل‌لر سبب وفات ایتگن افغانستانلیک ۸۰۰ مهاجر نینگ جسدینی، مملکت گه آلیب کیلگن.»
مهاجرلر وزیرلیگی نینگ مسئوللری، ایچکی آواره‌لر رقمینی قریب اوچ میلیون کیشی، و خارجی مهاجرلر سانینی قریب ییتتی میلیون کیشی تشکیل بیریشینی معلوم قیلگنلر.
اولر گه کوره، اوتگن بیر ییل ده چیت ایل ده‌گی افغانستانلیک ۹۵۲ مینگ ۵۸۹ مهاجر مملکت گه آلیب کیلینگن و ۱۶۰ مینگ ایچکی آواره، اوز اوی-جایلری گه انتقال بیریلگنلر.
برچه‌سی بیلن، مهاجرلر وزیرلیگی مسئوللری، تشقی مملکت‌لرده افغانستانلیک مهاجرلر برابریده‌گی ناقانونی یانده‌شوولردن تنقید ایته‌دیلر.
بیزلرنینگ توییترده هم تعقیب قیلینگ!
مهاجرلر وزیرلیگی سوزلاوچیسی عبدالمطلب حقانی نینگ ایتیشیچه: «مهاجرت مسئله‌سی بشری دیر و دنیا بو مسئله گه بشری نقطه‌ی نظردن قره‌شی کیره‌ک، تأسف بیلن مهاجرلردن سیاسی استفاده بوله‌دی، اوکراین اوروشیدن کیین اروپا مملکت‌لریده افغان مهاجرلر نینگ اوی‌لری تارتیب آلینیب و اوکراین‌لیک‌لر گه بیریلگنینی ایشیتدیک.»
مهاجرلر وزیرلیگی نینگ معلوماتی اساسیده، اوتگن بیر ییل ده قریب اوچ مینگ افغانستانلیک محبوس مهاجر، پاکستان قماقخانه‌لری و بیر مینگ محبوس ایران قماقخانه‌لریدن قوییب یوباریلیب و مملکت گه انتقال بیریلگنلر.