جوزجان ولایتی محلی رسمی‌لری گه کوره، اوشبو ولایت مرکزی و تومن‌لری ده ایکی مینگ ۲۰۰ عایله ایچیملیک سوو بیلن تامینلنگن.
جوزجان قیشلاق‌لرنی رواجلنتیریش و قیته قوریش باشلیغی اسدالله حمزه گه کوره، یاردم بیرووچی نهادلر نینگ یاردمی بیلن بو ولایت ده ۳۴ میلیون افغانی‌لیک توقیز سوو ییتکیزیش شبکه توزه‌تیلگن.
بیزلرنینگ فیسبوک صحیفه‌میزگه باش اورینگ!
اونگه کوره، مذکور سوو ییتکیزیش شبکه‌لر فایده‌لنیشگه تاپشیریلیشی بیلن ایکی مینگ ۲۰۰ عایله ایچیملیک سوو بیلن تامینلنگن.
حمزه جنابلری، بو کبی پروژه‌لر عملگه آشیریلیشینی اهمیتلی دیب و یشاوچیلر دن حفظ و مراقبتی اوچون دقت قیلیش‌لرینی طلب قیلدی.
مذکور پروژه‌لر، جوزجان مرکزی شبرغان شهری، آقچه و مینگجیک تومن‌لری ده ۳۴ میلیون دن آرتیق افغانی گه توزه‌تیلگن.
بیزلرنینگ «ایکس» ترماغی ده هم تعقیب قیلینگ!
جوزجان یشاوچیلری، منطقه‌لری ده سوو ییتکیزیش شبکه‌لر توزه‌تیلیشیدن خورسندلیک قیلسه‌لرده، سرپرست حکومت و یاردم بیرووچی نهادلر دن، قیینچیلیک‌لری حلی اوچون دقت قیلیش‌لرینی سوره‌یدیلر.
عین‌حالده، جوزجان مرکزی و تومن‌لری نینگ اوزاق منطقه‌لر اهالیسی حاضر هم، ایچیملیک سوو دن فایده‌لنه آلمسلیک‌لری باعث، اوستی آچیق حوض‌لر سووی دن قوللنیب کیلماقده‌لر.
