کابل یشاوچیلریدن قطاری اسلام امیرلیگیدن محرم کونلریده امنیت تامینلنیشی اوچون کابل و بیر قطار ولایتلرده جدی خوفسیزلیک تدبیرلر آلینیشی نی ایستهگنلر.
کابل یشاوچیلریدن سیدعلی نینگ ایتیشیچه، اسلام امیرلیگی یشاوچیلر خواطرلری حل بولیشی و عزادارلیک مراسملری نینگ یخشی بیر شکلده یولگه قوییلیشی اوچون مذهبی جایلر امنیتی نینگ تامین قیلیشی کیرهک. اونینگ کوپهیتیریشیچه: «اهالی نینگ عزادارلیک مراسملری یخشی بیر شکلده یولگه قوییلیشی اوچون دولتدن کوپراق تدبیرلر آلیشلری و بو مراسملر گه اهالی نینگ قورقوسیز و خواطرسیز شرکت قیلیشینی ایستهیمیز.»
بیزلرنینگ فیسبوک صحیفهمیزگه باش اورینگ!
شونینگدیک کابل یشاوچیلریدن قاسم اسلام امیرلیگیدن محرم کونلریده جدی شکلده امنیتی تدبیرلر آلینیشینی ایستهگن. اونینگ کوپهیتیریشیچه: «اسلام امیرلیگی اهالی نینگ عزادارلیک مراسملری یولگه قوییلهدیگن و کوپراق گوجوملی بولگن جایلر نی کوپراق کنترول قیلسین که اهالی یخشی بیر شکلده عزادارلیک مراسملری نی یولگه قویسینلر.»
سرپرست حکومت ایچکی ایشلر وزیرلیگی مسئوللری نینگ ایتیشلریچه، محرم کونلری اینیقسه عاشورا یولگه قوییلهدیگنیده حسینیهلر و مسجدلر امنیتی تامینلنیشی اوچون کابل و ولایتلرده مخصوص برنامهلرنی قوگه آلگنلر.
ایچکی ایشلر وزیرلیگی سوزلاوچیسی اورینباسری بسمالله حبیب نینگ ایتیشیچه، محرم کونلری امنیت تامینلنیشی اوچون خوفسیزلیک کوچلری مکمل شکلده تیارگرلیک آلگنلر. «جمعیتدهگی تورلی قوملر نینگ دینی مراسملری امنیتی نی تامینلش خوفسیزلیک کوچلری نینگ اساسی ایشلریدن دیر؛ خوفسیزلیک کوچلری بو کبی کونلرده امنیت تامینلنیشی خصوصیده مکمل تیاگرلیک آلگنلر و بو توغریده اوشبو کوچلر نینگ مرکز و ولایتلرده خوفسیزلیک برنامهلر اساسیده یمکلفیتلر نینگ درست بیر شکلده انجام بیریشلریدن ایشانچ بیرهمیز.»
بیزلرنینگ «ایکس» ترماغی ده هم تعقیب قیلینگ!
شونینگدیک افغانستان شیعه عالملری اویوشمهسی، ینگیلیکده اسلام امیرلیگیدن کابل و باشقه ولایتلرده عزادارلر امنیتی تامینلنیشی و محرم کونلریده ناتینچلیک آلدی آلینیشی اوچون جدی خوفسیزلیک تدبیرلر قوگله آلینیشی نی ایستهگنلر.
ایتیش کیرهک که، عاشورا مراسمی هر ییلی مملکت پایتختی و ولایتلرده مخصوص امنیتی تدبیرلر بیلن یولگه قوییلهدی.