ننگرهار ولایتی سرخ‌رود تومنی ایکینچیلریدن بیری امجد نینگ ایتیشیچه، جاری ییل کوز موسومی‌ده قشاق‌لیک سبب ۳۰ بسوه ییری گه کوکنار ایککن دیر.
اونینگ ایتیشیچه، سرپرست حکومت اوشبو ییرلر نینگ کوکنار ایکیلیشی‌دن تازه‌لش خصوصیده قرار آلگن. اونگه کوره: «بیر یریم جریب ییر گه کوکنار ایککن ایدیم، چونکه اقتصادیم یخشی ایمس ایدی و کوکنار نینگ یخشی درآمدی بار. حاضر ایسه دولت ییرلر نینگ تازه‌لش گه قرار آلگن و اونینگ اورنیده بدیل ایکین ترقه‌تیلیشی نی ایسته‌یمیز.»
بیزلرنینگ فیسبوک صحیفه‌میزگه باش اورینگ!
بدخشان ولایتی درایم تومنی‌ده‌گی ایکینچیلردن سید‌هارون شریفی نینگ ایتیشیچه، ایچکی ایشلر وزیرلیگی نینگ مخدره ماده گه قرشی کوره‌ش اورین‌باسرلیک دفتری، ایکین‌زارلری نی کوکنار ایکینی‌دن تازه‌لگن.
او سرپرست حکومت‌دن ایکینچیلر گه تریاک اورنیده بدیل ایکین ترقه‌تیلیشی نی ایسته‌گن. «بدیل ایکین نی اعلام قیلدیلر و حاضرگچه بیزلر گه بیرگنلری یوق. اسلام امیرلیگی‌دن کوکنار اورنیده ایکین بیریشلری نی ایسته‌یمیز.»
شونده‌ی بیرحالده، ایچکی ایشلر وزیرلیگی مخدره ماده گه قرشی کوره‌ش اورین‌باسرلیک دفتری مسئوللری نینگ ایتیشلریچه، اوتگن ایکی ییل‌ده ۲ مینگ ۷۸۱ دن آرتیق عملیات نتیجه‌سیده، افغانستان بویلب ۱۵ مینگ ۳۰۰ هکتار ییرنی مخدره ماده ایکینی‌دن تازه‌لگنلر.
اوشبو وزیرلیک مخدره ماده گه قرشی کوره‌ش اورین‌باسرلیک دفتری باشلیغی حسیب‌الله احمدی نینگ ایتیشیچه، مذکور اورین‌باسرلیک دفتری تریاک اورنیده بدیل ایکین ترقه‌تیلیشی اوچون، ایکینچیلیک وزیرلیگی هماهنگ‌لیگی‌ده ایکینچیلر گه بیر قطار برنامه‌لری بار.
بیزلرنینگ «ایکس» ترماغی ده هم تعقیب قیلینگ!
جناب احمدی نینگ کوپه‌یتیریشیچه: «مذکور اورین‌باسرلیک دفتری تریاک اورنیده بدیل ایکین اوچون، ایکینچیلیک وزیرلیگی هماهنگ‌لیگی‌ده زعفران، پخته و باشقه اصلاح بولگن اوروغلر نینگ دهقان‌لر اختیاری گه قرار بیریش خصوصیده مخصوص برنامه‌لری بار.»
اسلام امیرلیگی قدرت گه ایریشگنیدن کیین، افغانستان ده مخدره ماده نینگ ایکیلیشی و تولید بولیشی نی تقیق‌لب و حاضر افغانستان ده مخدره ماده ایکیلیشی و تولید بولیشی نینگ اینگ آز میزان گه ییتیشگنی نی ادعا قیله‌دی.