کابل یشاوچیلریدن قطاری ایچیم‌لیک سوو تنقیص‌لیگی‌دن خواطر بیلدیریب و ایتیشلریچه، سوو تامین‌لش اوچون کوپینچه قیین‌چیلیک بیلن روپه‌ره‌لر. دولتی سوو نلی‌دن قوللنه‌دیگن کابل شهری «کلوله‌پشته» منطقه یشاوچیسی قاسم‌نینگ ایتیشیچه، اوچ کون‌دن کیین بو منطقه‌ده‌گی نل‌لر گه سوو کیله‌دی.
اونینگ کوپه‌یتیریشیچه: «اوچ کون‌دن کیین شهری نل گه سوو کیله‌دی. تورت-بیش بشکه سوو آله‌میز و باشقه نیازیمیز بولگن سوودن فایده‌لنه آلمه‌یمیز و سوو نل‌لریمیز نینگ کوپه‌یشینی ایسته‌یمیز.»
شونینگدیک کابل شهرینینگ «شهرآرا » منطقه یشاوچیسی عظیم گه کوره، اوشبو منطقه‌ده‌گی یشاوچیلردن برچه‌سی سوو تنقیص‌لیگی بیلن روپه‌ره دیر. «شهرآرا‌ده برچه قودوق‌لر سووی قوریلگن و سوویمیز آز دیر. اوشبو منطقه‌ده‌گی برچه کیشی سوو تنقیص‌لیگی بیلن روپه‌ره دیر و بو قیین‌چیلیک بیلن نه فقط بیزلر، بلکیم برچه کیشی روپه‌ره بولگن.»
بیزلرنینگ فیسبوک صحیفه‌میزگه باش اورینگ!
کابل شهری «پروان دوم» منطقه یشاوچیلریدن احمد‌الله، سرپرست حکومت‌دن کابل شهری یشاوچیلری گه ایچیم‌لیک سوودن فایده‌لنیش زمینه‌سی یره‌تیلیشینی ایسته‌گن.
اونینگ ایتیشیچه: «۱۲۰ متر قودوق قازدیک، قوریدی و مسجد قودوغی‌ده هم بیر نل بار، سووی آز دیر و برچه کیشی گه ییتیشمه‌یدی. یشاوچیلر کسل‌خانه‌دن باریب سوو آله‌ر ایدیلر که ایگه‌لری حاضر سوو آلیش گه رخصت بیرمه‌یدی و سوو کم دیر. حکومت بیران چقور قودوق قازگنی صورت‌ده یشاوچیلر اوچون کوپ یخشی بوله‌دی.»
بوندن آلدین سرپرست حکومت مسئوللری نیچه مرته، کابل شهری‌ده سوو تنقیص‌لیگی قیین‌چیلیگی حلی اوچون بولگن برنامه‌لریدن بیری‌نینگ، پنجشیر دریاسی سووی‌نی کابل گه انتقال بیریش دیگن. بیراق کابل یشاوچیلریدن بیری بولمیش ۷۰ یاشر حکیم‌الله، پنجشیر دریاسی سووینینگ کابل گه انتقال بیریلیش لایحه‌سی کوپینچه زمان آلگنی‌دن شکایت قیله‌دی.
اونینگ ایتیشیچه: «کابل شهری‌ده سوو تنقیص‌لیگی بویوک بیر قیین‌چیلیک دیر که برچه کیشی اوشبو قیین‌چیلیک بیلن روپه بولگن. ده افغانان منطقه‌سیده سوو ذخیره‌لری ساعت‌لرچه نوبت گه بوله‌دی و یادم گه توشگنی‌ده قدر داوود‌خان زمانی‌دن بویان پنجشیر دریاسی سووینینگ کابل گه انتقال بیریله‌دی دیه‌دیلر که بو گپ‌لر کوپراق سیاسی دیر.»
شونده‌ی بیرحالده، شهری کانالیزاسیون و سوو ییتکزیش دولتی شرکت مسئوللری‌نینگ ایتیشلریچه، کابل یشاوچیلری اوچون سوو تامین‌لش مقصد، بیر قطار برنامه‌لری بار.
مذکور شرکت باشلیغی مطیع‌الله زاهدی‌نینگ ایتیشیچه: «آز مدتلی پلان‌ده قودوق‌لردن قوللنه‌میز. شونده‌ی بیرحالده، شاشلینچ و اورته مدتلی وضعیت‌لرده لایحه‌لریمیز بار که بیر ته‌سی قرغه‌ده دیر و ایشی یکونلنماقده. ایشی توخته‌تیلگن بیر لایحه هم توخته‌تیلیش وضعیت‌دن چیقریله‌دی و ایش‌نینگ دوامی بار و اوزون مدتلی ایسه پنجشیر دن کابل گه سوو‌نینگ انتقال بیریلیشی دیر.»
عین حالده، اطراف-محیط بوییچه ایش بیلرمان‌لردن قطاری‌نینگ ایتیشلریچه، پایتخت‌ده سوو تنقیص‌لیگی آلدی آلینیشی اوچون کابل شهری آست‌قورمه‌لری سووینینگ کوچه‌یتیریلیشی کیره‌ک.
بیزلرنینگ «ایکس» ترماغی ده هم تعقیب قیلینگ!
بو توغریده اطراف-محیط بوییچه ایش بیلرمان سیداحمد سلیمان‌خیل‌نینگ ایتیشیچه: «ییر آستی سوو‌لر‌‌نینگ کوچلنیشی کیره‌ک. ییر آستی سوو‌لر سیستم‌لری‌نینگ فعال بولیشی و تزریقی قودوق‌‌نینگ ایش گه آلینیشی کیره‌ک و شونینگدیک یشاوچیلر گه آگاهی‌لیک بیریلسه که سوودن حد‌دن تشقری قوللنیلمسه و دهقان‌لر کوپراق ییر آستی سوو‌لردن قوللنمه‌سینلر؛ چونکه سوو تنقیص‌لیگی‌گه سبب بوله‌دی.»
ایتیش کیره‌ک که، بوندن آلدین افغانستان ده بیرلشگن ملتلر تشکیلاتی‌نینگ باله‌لردن حمایت قیلووچی صندیغی (یونیسف)، میلادی ۲۰۳۰-ییل‌گه قدر کابل شهرینینگ جدی شکلده سوو تنقیص‌لیگی بیلن روپه‌ره بولیشی خصوصیده آگاه‌لنتیرگن ایدی.
شونینگدیک یونیسف، هوا اوزگریشلری سلبی اثرلری‌نی بویوک شهرلر اینیقسه کابل ده ییر آستی سوو‌لر سطحی‌نینگ کمه‌یشی عامل‌لریدن بیری حساب‌لنگنی نی ایتگن.
