امریکا حربی‌لری تامانیدن، یمن ده حوثی شبه‌نظامی‌لر نینگ رادار بیر سایتی نشانگه آلینگن.
اسوشیتد پرس نینگ گزارشی اساسیده، بوگون (شنبه، ۲۳-جدی)، بامداد چاغی یمن ده حوثی‌لر نینگ رادار بیر سایتی امریکا قوشمه ایالت‌لری نینگ حربی کوچلری تامانیدن راکته بیلن نشانگه آلینگن.
بیزلرنینگ فیسبوک صحیفه‌میزگه باش اورینگ!
امریکا مرکزی قوماندان‌لیگی (سنتکام) گه کوره، حوثی‌لر نینگ قیزیل دینگیز ده سوداگرلیک کیمه‌لر گه هجوم قیله آلمسلیک و اولر نینگ توانالیک‌لرینی ضعیف قیلیش مقصدیده، اولر یمن ده حوثی شبه‌نظامی‌لر نینگ رادار بیر سایتی نی نشانگه آلگنلر.
امریکا مرکزی قوماندان‌لیگی نینگ ایتیشیچه، اوتگن ییل ۲۸- دسمبر دن حاضرگچه، حوثی شبه نظامی‌لری قیزیل دینگیز و عدن خلیجی ده خلق‌ارا کیمه‌لر گه ۲۸ مرته هجوم قیلگن.
بیزلرنینگ «ایکس» ترماغی ده هم تعقیب قیلینگ!
امریکا و بریتانیا، اوتگن کون یمن نینگ تورلی منطقه‌لری ده حوثی‌لر نی نشانگه آلگنلر.
بو ایکی مملکت علیحده ترقه‌تگن بیانات‌لریده، قیزیل دینگیز ده سوداگرلیک کیمه‌لر نی قوریقلش مقصدیده بو اقدام گه قول اورگنلر.
