طبیعی آفتلرنی باشقریش بوییچه دولت وزیرلیگی، سونگی کونلردهگی کوچلی قار یاغیشی و ساووق باعث تلفات رقمی ۱۷۰ کیشی گه ییتگنیدن خبر بیرگن.
افغانستان ده اوشبو ییل قیش موسومی، سونگی ۱۵ ییل ده مثلسیز بولگنلیگی معلوم قیلینگن؛ مملکت نینگ قطار ولایتلریده هوا ساووقلیگی منفی ۳۵ درجه سانتیگراد گه ییتیب انسانلر و حیوانلردن قربانلیک آلگن.
بیزلرنینگ فیسبوک صحیفهمیزگه باش اورینگ!
طبیعی آفتلرنی باشقریش بوییچه دولت وزیرلیگی نینگ ایتیشیچه، اوشبو ییل جدی آی دن حاضرگچه مملکت نینگ قطار ولایتلریده کوچلی قار یاغیشی و مثلسیز درجه ده هوا ساووق بولیشی عاقبتیده، ۱۷۰ کیشی قربان بولگن و ۱۵۰ دن آرتیق یشش اوی بوزیلگن.
طبیعی آفتلرنی باشقریش بوییچه دولت وزیرلیگی سوزلاوچیسی شفیعالله رحیمی گه کوره: «معلوماتلر اساسیده، کوچلی قار یاغیشی و سوو تاشقینلری عاقبتیده ۱۷۰ کیشی هلاک بولگن، ۱۵۰ دن آرتیق یشش اوی بوزیلگن و شونینگدیک ۸۰ مینگ چاروه تلف بولگن.»
بیزلرنینگ توییترده هم تعقیب قیلینگ!
ایتیش کیرهک که، افغانستان نینگ قطار ولایتلریده کوچلی قار یاغیشی و هوا مثلسیز درجه ده ساووق بولیشی بیلن، اولکه یشاوچیلری نینگ ییگولیک و یاقیلغی ماده دن فایدهلنه آلمسلیک خوفی بیلن دوچ قیلگن.