تورخم بندری ایکّی تامانیده بند قالگن یولاوچیلر و سوداگرلردن بیرقطاری، بیر هفته‌دن بیری اوشبو یول آچیلیشینی کوتماقده‌لیک‌لرینی اېته‌دیلر.
مذکور بندر ایکّی تامانیده بندن قالگن کسل‌دارلرنینگ ایتیشلریچه، کسل‌لری‌نینگ احوالی آغیرلشگن.
سوداگرلردن بیرقطاری، تورخم بندری کیتمه-کیت آلتینچی کون یاپیق قالیشی اوچون کوپینچه زیان کورگنلرینی اېته‌دیلر.
بیزلرنینگ فیسبوک صحیفه‌میزگه باش اورینگ!
یولاوچیلر و سوداگرلر پاکستان و افغانستان سرپرست حکومتی‌دن، اوشبو یول تیزلیک بیلن آچیلیشی اوچون اقدام قیلیش‌لرینی سوره‌یدیلر.
عین‌حالده، پاکستان جیونیوز یېتکرمه‌سی اوتگن کون اوشبو مملکت‌نینگ تورخم بندری‌ده باجخانه رسمی‌لریدن نقل قیلیب، بو بندر یاپیق قالیشی بیلن مینگلب کیشی ایکّی تامانده بند قالگنینی معلوم قیلگن.
مذکور یېتکرمه‌نینگ معلوماتی اساسیده، بوندن آلدین هر کونی قریب ۱۰ مینگ کیشی اوشبو بندر آرقه‌لی باریب-کېلر اېکن.
بیزلرنینگ «ایکس» ترماغی ده هم تعقیب قیلینگ!
شو بیلن بیرگه، افغانستان سودا و سرمایه یاتقیزیش اتاق مسئوللری‌نینگ ایتیشلریچه، حاضرگی کونده افغانستان سوداگرلری گه عاید قریب تورت مینگ یوک تاشووچی موتر تورخم ایکّی تامانیده بند قالگن و ایکیله مملکت سوداگرلری هر کونی ۵۰۰ دن ۶۰۰ مینگ دالر زیان کورماقده.
الکوزی جنابلری‌نینگ کوپه‌یتیریشیچه، تورخم بندری آچیلیشی اوچون ایکّی مملکت رسمی‌لری سعی-حرکت قیلماقده؛ بیراق بو سعی-حرکتلر حاضرگچه نتیجه بیرمه‌گن.
افغانستان تامانی دیورند چیزیغی یقینیده تأسیسات قوریش پیتیده، تورخم بندری شنبه کونی ایرته‌لب پاکستان تامانیدن یاپیلدی.
