هرات توغروق‌خانه‌سیده‌گی شفاکارلردن قطاری نینگ ایتیشلریچه، حامله عیاللر اینیقسه اوشبو ولایت نینگ اوزاق قیشلاقلریده‌گی حامله عیاللردن کوپ قطاری، «Rh منفی» قان گروهی حقیده آگاهی‌سیزلیک سبب، باله‌لرینی قولدن بیره‌دیلر.
مذکور شفاکارلر نینگ کوپه‌یتیریشلریچه، هرات توغروق‌خانه‌سی و حوزه‌وی کسل‌خانه‌سیده، حامله عیاللرگه «Rh منفی» قان گروهینی انیقلش اوچون دولتی ساغلیق مرکز یوق.
هرات توغروقخانهسیده نسایی-ولادی شفاکاری عاطفه امینی نینگ سلام‌وطندار گه ایتیشیچه، حامله عیاللر گه «Rh منفی» قان گروهینی انیقلش اوچون هیچ بیر مرکز یوق دیر.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «منفی قان گه ایگه بولگن کسللر اوچون قیغو بیلن هرات توغروقخانهسیده هیچ بیر مرکزیمیز یوق و شونینگدیک حوزه‌وی کسل‌خانه‌سیده هم یوق. اصلا بو کبی کیشیلر اوچون بو کبی ریجه‌لر یوق.»
هرات توغروق‌خانه‌سیده‌گی شفاکارلردن باشقه بیری ناصری نینگ ایتیشیچه، باله‌لرینی قولدن بیرگن عیاللردن قطارینی تیکشیریش بیلن، اونینگ سببی نینگ «Rh منفی» قان گروهی بولگنینی بیلگنلر.
اونینگ کوپه‌یتیریشیچه: «آنه نینگ قان گروهی منفی بولگنی‌ده، آنه تنی نینگ ایمنی سیستمی چقه‌لاق نینگ قیزیل گلبول‌لری بیلن عکس‌العمل کورسته‌دی و چقه‌لاقده ایمولوتیک کسل‌لیکلری کبی قیین‌چیلیکلر گه سبب بوله‌دی.»
باشقه بیر تاماندن، هرات یشاوچیلریدن لیلا و محدثه نینگ ایتیشلریچه، «Rh منفی» قان گروهی خصوصیده آگاهی‌سیزلیک طفیلی باله‌لریدن قطاری ناساغلام دیر.
لیلا نینگ ایتیشیچه: «بیرینچی حامله‌دارلیگیم‌ده قان گروهیم نینگ منفی و تورموش اورتاغیم نینگ قان گروهی مثبت بولگنی نی بیلمه‌یدیم. قیغو بیلن اوغلیم‌ده تلاسمی‌سی بار؛ دنیا گه کیلگنی‌دن بیری بو کسل‌لیگی بار ایدی و آی‌مه-آی قان اوتیشی کیره‌ک ایدی. بیراز کته‌راق بولگنی‌ده کوپراق قان گه نیازی بار. دایم باش آغریغی بار و کسل دیر. باشی کته بوله‌دی و رنگی خراب بوله‌دی.»
بیزلرنینگ «ایکس» ترماغی ده هم تعقیب قیلینگ!
شونینگدیک محدثه نینگ ایتیشیچه: «اوچ ساغلام باله‌م بار، تورتینچی‌سی ساغلام ایمس. حاضر آلتی یاشر دیر. شفاکار گه بارگنیم‌ده پیچکاری قیلشینگیز کیره‌ک دیدی. گپلشمه‌یدی و هیچ نرسه نی بیلمه‌یدی.»
عین حالده، هرات حوزه‌وی کسل‌خانه‌سی باش شفاکاری محمدعارف جلالی، بو قیین‌چیلیک نی تصدیق‌لب ایتیشیچه، هرات ده «Rh منفی» قان گروهینی انیقلش اوچون هیچ بیر ساغلیق مرکز یوق.
جلالی نینگ کوپه‌یتیریشیچه: «بعضا عیاللر نینگ توغیش‌لریدن آلدین قان گروپلری تعیین‌لنه‌دی و Rh منفی بولگنی‌ده، بعضا انتی Rh آنه گه اوتکزیله‌دی. مذکور آمپول نی آله‌دی که بیر سیستم شکلی‌ده بولگن خذمتلر، موسسه یا-ده دونر اونی حمایت قیلسه و اولر نی مراقبت آستیده قرار بیرسه که بو رقم بیر برنامه یوق.»
ایتیش کیره‌ک که، هرات مرکزی و قیشلاق‌لریده حامله عیاللر آگاهی‌لیک سطحی نینگ قویی‌لیگی، باله‌لردن قطاری نینگ اولیشی یا-ده ناساغلام توغیلیشی گه سبب بوله‌دی که، بو توغریده ایشله‌یدیگن مملکت ساغلیق بولیمی و نهادلر مسئوللری نینگ جدی توجه‌سی گه نیازی بار.