هرات ولایتی محلی مسئوللری، اوشبو ولایت‌ده اۉتگن اوروش‌لردن قالگن ماین پارتلشی عاقبتیده بیر باله هلاک بولیب و باشقه بیش باله یره‌لنگنیدن خبر بیره‌دیلر.
هرات ولایتی کشک رباط سنگی تومن اۉرین باسری عبدالرحیم رحمانی نینگ سلام‌وطندار گه ایتیشیچه، ۱۲-حمل، یک‌شنبه کونی عصر پیتی، اۉتگن اوروش‌لردن قالگن ماین پارتلشی عاقبتیده ۱۰ یاشر بیر باله هلاک بولیب و باشقه بیش باله یره‌لنگن.
بیزلرنینگ فیسبوک صحیفه‌میزگه باش اورینگ!
رحمانی جنابلری نینگ کوپه‌یتیریشیچه، اوشبو واقعه کشک رباط سنگی تومنی «خواجه تلختان» قیشلاغیده، باله‌لر اوروش‌دن قالگن ماین بیلن اوینیش پیتیده یوز بیرگن.
اونگه کوره، واقعه طفیلی یره‌لنگن باله‌لر دوالنیش اوچون ساغلیق مرکزی گه انتقال بیریلگن.
بیزلرنینگ «ایکس» ترماغی ده هم تعقیب قیلینگ!
ایتیش کېره‌ک، مملکت نینگ بیر قطار ولایت‌لریده اۉتگن اوروش‌دن پارتلمه‌ی قالگن ماین‌لر پارتلشی-انده-سنده اولکه یشاوچیلری اینیقسه باله‌لردن قربان‌لیک آله‌دی.