مملکت غربی قسمی ده ۶.۳ درجه ریشترلیک زلزله یوز بیریشیدن ایکی کون اوتگچ، بوگون (دوشنبه، ۱۷ میزان)، افغان قیزیل آی جمعیتی مسئوللری سلام‌وطندار گه، قوتقرو عملیاتی یکونیدن خبر بیرگنلر.
افغان قیزیل آی جمعیتی مسئوللری گه کوره، هرات ده زلزله طفیلی ۱۳ قیشلاق ده‌گی یشش اوی‌لر بوتونلی بوزیلگن.
بیزلرنینگ فیسبوک صحیفه‌میزگه باش اورینگ!
افغان قیزیل آی جمعیتی سوزلاوچیسی عرفان‌الله شرف‌زوی نینگ ایتیشیچه: «بیرینچی و ایکینچی کون‌لریده ۱۴ تیمی‌میز بار ایدی، ییتتی قوتقرو تیمی و باشقه ییتتی ساغلیک تیم ایدیلر و باشقه ۱۶ تیم نی باشقه ولایت‌لردن یوباردیک، حاضر هرات ده قوتقرو عملیاتی یکونلنگن و افغان قیزیل آی جمعیتی باشلیغی منطقه ده دیر و اوشبو تشکیلات نینگ ایشلرینی باشقرماقده.»
شرف‌زوی جنابلری گه کوره، قطار منطقه‌لرده‌گی یشش اوی‌‌لردن بعضی‌لریده فرعی طرزده عملیات همان دوام ایتماقده.
او نینگ تاکیدلشیچه، قوتقرو عملیاتی موفقیت بیلن یکونلنگن و هیچ کیم دیوارلر آستیده قالمه‌گن.
بیزلرنینگ «ایکس» ترماغی ده هم تعقیب قیلینگ!
افغان قیزیل آی جمعیتی نینگ سونگی معلوماتی اساسیده، زلزله طفیلی ایکی مینگ ۴۰۰ کیشی قربان بولگن.
عین‌حالده، هرات ده محلی منبع‌لر بوگون توش دن آلدین، اوشبو ولایت ده باشقه بیر زلزله یوز بیرگنیدن خبر بیرگنلر، لیکن احتمالی تلفاتی و زیان‌لری حقیده حاضرگچه معلومات بیریلمه‌گن.
