هرات زعفرانی گه یخشی بازار قیدیریش و مناسب یول تاپیش اوچون بوگون (چهارشنبه، ۲۵ عقرب)، اوشبو ولایت محلی مسئوللری، زعفران ایشلاوچیلری و صادر قیلووچی شرکت‌لر نینگ حضوری بیلن، زعفران گلی ییتینچی ملی فیستیوالی یولگه قوییلدی.
مذکور فیستیوال ده هرات زعفران ایشلاوچیلری و مسئوللری، زعفران محصولاتی آشیشیدن خبر بیریب ایتیشلریچه، اوتگن ییل گه نسبتن زعفران ایکی برابر حاصل بیرگن.
هرات ایکینچیلیک و چاروه‌چیلیک آمری بشیراحمد احمدی گه کوره، بو ییل اوشبو ولایتده قریب ۷ مینگ هکتار ییرده زعفران ایکیلگن، اولر نینگ پیشبین‌لیکلری گه بناً، ۲۰ تُن دن آرتیق زعفران حاصل آلیش‌لری ممکن.
بیزلرنینگ فیسبوک صحیفه‌میزگه باش اورینگ!
بشیراحمد احمدی نینگ ایتیشیچه: «بوییل ۷ مینگ هکتار ییرده زعفران ایککن‌میز، پیشبین‌لیکلریمیز گه قره‌گنده ۲۰ تُن دن آرتیق زعفران حاصل بیریشی ممکن، بیر کیلو سوپرنگین زعفران هرات بازاری ده بیرلک دن آلیب بیرلک ۱۰ مینگ افغانی ساتیله‌دی.»
باشقه تاماندن، مذکور فیستیوال ده اشتراک ایتگن هرات زعفران ایشلاوچیلریدن قطاری نینگ ایتیشلریچه، زعفران حاصلی کوپه‌یشی گه قره‌گنده حکومت اوشبو محصول‌نی خارج گه صادر ایتیش اوچون زمینه یره‌تیشی کیره‌ک.
هرات ده زعفران ایشلاوچیلریدن حاجی تیمورشاه نینگ ایتیشیچه: «مین ۲۳ ییل دن بیری شو ایش بیلن مصروف من، بیرلک ۲۰ مینگ دن آلیب ۱۸ مینگچه زعفران ساتگن‌میز، شرکت‌لر مراجعت قیلمسلیگی اوچون چیت ایل گه صادراتیمیز یوق، صادرات بولگن حالده حاضر بیرلک ۲۰ مینگ ساتیب آله‌دیلر، صادرات یوق‌لیگی اوچون آلمه‌یدیلر.»
بیزلرنینگ توییترده هم تعقیب قیلینگ!
اوشبو فیستیوال ده نطق سوزله‌گن هرات ایکینچیلیک باشلیغی پیرمحمد حلیمی، بنگی‌وار ماده ایکیووچی دهقان‌لر نینگ زعفران گه یوز کیلتیریشینی، زعفران محصولاتی کوپه‌یش عاملی دیب و اوشبو محصول نی خارج گه صادر قیلیش مقصدیده سعی و حرکت قیله‌یاتگنلرینی معلوم قیلدی. اونگه کوره: «سببی زعفران نرخی آشیشی و ایکینچی سببی هم تریاک و چرس ایکیووچیلر نینگ زعفران گه یوز کیلتیریشی دیر، کیله‌سی ییل ده ۴۰ تُن گه ییتیشی گه امید بیلدیره‌میز، اولکه خلقی زعفران ایکیش گه یوز کیلتیرگنلر.»
هرات ایکینچیلیک ریاستی مسئوللری نینگ معلوماتی اساسیده، زعفران کوپراق مذکور ولایت نینگ پشتون‌زرغون، غوریان، زنده‌جان، انجیل، کهسان و گذره تومن‌لریده ایکیله‌دی.
اولر گه کوره، زعفران گلینی ییغیب-تیریش موسومیده، هرات ده ۲۰ مینگ دن آرتیق کیشی ایش بیلن تأمینلنه‌دی.