تاجیکستان پایتختی دوشنبه شهری ده «هرات خوفسیزلیک مذاکره‌لر» ایکی کونلیک ییغیلیشیده اشتراک ایتگن مملکت‌لر نینگ نماینده‌لری، ییتتی جلسه ده «افغانستان و منطقه‌وی ژئوپولیتیک، آپارتاید و افغانستان عیاللری وضعیتی، عصیانچی گروه‌لر، زوروانلیک، فرهنگی میراث‌لر، منطقه‌وی همکارلیک، جهانی مسئولیت و افغانستان اوچون بیرلشگن ملت‌لر تشکیلاتی نینگ رولی و کیله‌جک یول خریطه‌سی» خصوصیده بحث ایتگنلر.
دیپلومات‌لر و ایش بیلرمان‌لر اوشبو ییغیلیش یکونیده، خاتین قیزلر نینگ حقوقی، فرهنگی ارزش‌لر و افغانستان ده همه شمول دولت شکللنیشی گه دایر بیر نظرگه بولیش اوستیگه تأکید ایتگنلر.
افغانستان اوچون امریکا ایلچیخانه‌سی نینگ شارژدافیری کرن دیکر، «هرات خوفسیزلیک مذاکره‌لر» جلسه‌لریدن بیری ده، افغانستان ده انسان حقلری رعایت ایتیلیشی و همه شمول حکومت شکللنیشینی مهم عنوان قیلگن.
بیزلرنینگ فیسبوک صحیفه‌میزگه باش اورینگ!
اونگه کوره: «پاکستان، ایران، امریکا، روسیه و افغانستان خلقی، اوشبو مملکتده عیاللر حقوقی و همه شمول حکومت شکللنیشی خصوصیده بیر نظرگه بولیش‌لری، جوده مهم دیر.»
مذکور ییغیلیشده، ملی چیگره‌لرده اسلام امیرلیگی نینگ آلیب باره‌یاتگن سیاست‌لری قاره‌لنگن. اولر ارا، افغانستان اوچون اروپا اتفاقی نینگ مخصوص نماینده‌سی توماس نیکلاسن، اسلام امیرلیگی حکومتی اوزگرمه‌گن حالده، تحریم یره‌تیلیشیدن آگاه‌لنتیرگن.
اونینگ ایتیشیچه: «افغانستان نینگ حاضرگی حکومتی مردم نینگ اساسی حقوقینی رعایت قیلمه‌گن حالده، بیز اسلام امیرلیگیگه تحریم‌لر یره‌تیب و خلق‌ارا کیفری محکمه آرقه‌لی عمل قیلیشی‌میز ممکن.»
شو بیلن بیرگه، ایش بیلرمان‌لر، کیله‌جک ده حکومت قنده‌ی لیگی اوچون یول خریطه‌سی توزه‌لیشینی مهم دیب اونی خوش قرشی لشه‌دی.
بیزلرنینگ توییترده هم تعقیب قیلینگ!
سیاسی ایش بیلرمان ویس ناصری نینگ ایتیشیچه: «بو ییغیلیش‌لر افغانستانده‌گی قیینچیلیکلر گه اساسی یول قیدیریب و افغانستانده دوام ایتیب کیله‌یاتگن ثبات‌سیزلیکلر برابریده منطقه‌وی اتفاق‌لیک شکللنیشی مقصدیده اوتکزیله‌دی.
عین‌حالده، اسلامی امیرلیگی هردایم افغانستان نینگ حاضرگی حکومتینی همه شمول دیب، انسان حقلری نقض ایتیلیشی، ناتینچ‌لیک و افغانستان ده عصیانچی گروه‌لر فعالیتی گه دایر گزارش‌لرنی رد قیلگن.
