هلمند ولایتی گرمسیر تومنی نینگ بنادر منطقه یشاوچیلری، منطقه‌لریده تعلیمی، ساغلیق و باشقه دستلبکی خذمت‌لردن فایدهلنه آلمه‌سلیکدن شکایت قیله‌دیلر.
مذکور منطقه یشاوچیلریدن بیری جمعه‌گل نینگ سلام‌وطندار گه ایتیشیچه، بنادر ده قریب ۱۵ مینگ عایله حیات کیچیره‌دی؛ بیراق اولر یالغیز باشلنغیچ و اورته مکتب گه قول تاپه آله‌دیلر. اونگه کوره، مذکور مکتب نینگ تعلیمی خذمت‌لر کم‌لیگی بیلن روپه‌ره بولگنی گه علاوه، شونینگدیک بنا‌سیز دیر و اوقووچیلر آچیق فضا‌ده درس اوقیدی.
جمعه‌گل نینگ کوپه‌یتیریشیچه: «حاضر ایسه باله‌لر تعلیم و تحصیل‌دن قالگن دیر، کوپ کم کیشی مکتب باره‌دی و بیر قطار کیشی اصلا مکتب بارمه‌یدی. یالغیز نیچه عایله نینگ باله‌سی مکتب کیته‌دی.»
بیزلرنینگ «ایکس» ترماغی ده هم تعقیب قیلینگ!
شونینگدیک بنادر منطقه یشاوچیلری نینگ ایتیشلریچه، باله‌لری اورته دور‌دن کیین تحصیل نینگ دوام بیریشدن محروم‌لر و اولر گه کوره، فعال مکتب‌لر هم اوقیتووچی کم‌لیگی بیلن روپه‌ره دیر.
مذکور منطقه یشاوچیلریدن باشقه بیری عبدالهادی نینگ ایتیشیچه: «بو ییرده یالغیز ایکی مکتب بار؛ بیرته‌سی حاجی سلام‌خان اویی یانیده دیر و باشقه بیرته‌سی ایسه بنادر مکتبی دیر. مکتب‌لردن بیرته‌سی نینگ بناسی ایشی یریم قالگن و بیرته‌سیده ایسه هیچ بناسی یوق.»
عین حالده، هلمند معارف ریاستی مسئوللری، گرمسیر تومنی یشاوچیلری نینگ قیینچیلیکلری حل بولینیشی خصوصیده ایشانچ بیریب و ایتیشلریچه، تومن‌لردن قطاری‌ده‌گی باشلنعیچ مکتب‌لر نی لیسه گه ارتقا بیریب و ینگی اوقیتووچیلر نینگ ایش گه آلیشلری ممکن.
هلمند معارف باشلیغی محمد‌عوض انصاری نینگ ایتیشیچه: «بو قیینچیلیک هلمند نینگ برچه ولایت‌لریده بار، بوگون باشلنغیچ مکتب‌لر نینگ رواجلنیشی اوچون وزارت تصدیق قیلگن مکتوب نی امضا قیلدیک. هلمند نینگ برچه منطقه‌لریده مکتب‌لر نینگ رواجلنیشی اوچون سعی و حرکت قیلماقده‌میز. برنامه‌میز بار که اوقیتووچیلر نی ایش گه آلیب و محروم منطقه‌لر گه تعلیم نی ییتیشتیرسه‌ک.»
بولر گه علاوه، بنادر منطقه یشاوچیلری منطقه‌لریده ساغلیق خذمت‌لر کم‌لیگی و پاک ایچیم‌لیک سوودن فایدهلنه آلمه‌سلیک قیین‌چیکلری بیلن روپه‌ره‌لر. اولر نینگ ایتیشلریچه، یشاوچیلر سانی کوپ، بیراق ساغلیق مرکزلر آز دیر انه شوو سبب، یشاوچیلر کسل‌لری نینگ ولایت مرکزی لشکرگاه یا-ده پاکستان گه انتقال بیره‌دیلر که اولردن کوپینچه‌سی یولده وفات قیله‌دی.
اولر نینگ اورغولشیچه، کوپینچه پیت پاک ایچیم‌لیک سوودن فایدهلنه آلمه‌سلیک سبب، تورلی‌خیل کسل‌لیک‌لر گه چلینه‌دیلر و مسئوللردن بو قیین‌چیلیککه توجه بولینیشی نی ایسته‌یدیلر.
بنادر نینگ ساغلیق مرکزی‌ده‌گی شفاکار و اوشبو منطقه یشاوچیسی عبدالظاهر نینگ ایتیشیچه: «بیرته BHC کلینیگی‌میز بار. بو منطقه کوپ بویوک. صفارگچه قریب ۳۵ کیلومتر فاصله‌سی بار. کونده بو ییر گه ۱۰۰دن آرتیق کیشی مراجعت قیله‌دی. دارو هم برچه گه ییتیشمه‌یدی.»
شونینگدیک بنادر منطقه یشاوچیلریدن باشقه بیری نیازمحمد نینگ ایتیشیچه، اوشبو منطقه یشاوچیلریدن کوپینچه‌سی، پاک ایچیم‌لیک سوودن فایدهلنه آلمه‌یدی و بو توغریده جدی قیینچیلیکلر بیلن روپه‌ره‌لر. «باگت‌دن بنادر گه قدر، قریب ۱۵۰۰۰ عایله حیات کیچیره‌دی، سوو قیین‌چیلیگی کوپ جدی دیر. سووی‌میز افلاسلنگن. برچه بمبه‌لرده‌گی سوو قوروگن، بیر اینچ سوو اوچون ۱۲۱ مینگ افغانی صرف‌له‌دیک.»
باشقه بیر تامان‌دن، هلمند ساغلیق‌نی سقلش باشلیغی سید‌احمد سعید، مملکت بویلب دارو کم‌لیگی قیین‌چیلیگی نینگ رایج قیینچیلیک بولگنی گه اشاره قیلیب؛ بیراق گرمسیر تومنی‌ده ساغلیق مرکزلر آزلیگی خصوصیده یشاوچیلر ادعا‌سی نی رد قیله‌دی. اونینگ کوپه‌یتیریشیچه: «قریب هر ۷ کیلومتر ده بیر کلینیک بار. صفار، بنادر، درزی ده کلینیگی‌میز بار. افغانستان بویلب دارو قیین‌چیلیگی بار، بیراق بو قیینچیلیک نی جریان گه قویگن‌میز.»
عین حالده، هلمند محلی مسئوللری نینگ ایشانچ بیریشلریچه، یاردم بیرووچی نهاد‌لر هماهنگ‌لیگی‌ده، پاک ایچیم‌لیک سوو خصوصیده یشاوچیلر قیین‌چیلیگی نینگ حل قیلیشلری ممکن.
بیزلرنینگ فیسبوک صحیفه‌میزگه باش اورینگ!
هلمند معلومات و مدنیت اورین‌باسری محمد‌قاسم ریاض نینگ ایتیشیچه: «قیشلاق‌لر نی قیته قوریش و تیکلش ریاستی مسئولری، بیر قطار نهاد‌لر همکارلیگی بیلن هلمند ده اوشبو قیینچیلیکلر نینگ حل قیلیشلری خصوصیده متعهد‌لر. شونینگدیک گرمسیر تومنی یشاوچیلری قیین‌چیلیگی حل بولیشی خصوصیده هم امید‌وار‌میز.»
ایتیش کیره‌ک که، هلمند نینگ جنوبی تومن‌لری و گرمسیر گه علاوه، اوشبو ولایت نینگ نیچه شمالی تومن‌لر یشاوچیلری هم قیینچیلیکلر بیلن روپه‌ره دیر.
