هلمند ولایتی نهرسراج تومنی ایکینچی‌لری نینگ ایتیشلریچه، جاری ییل‌ده بوغدای بهاسی نینگ قویی کیلیشی سبب، بوغدای ایکیلیشی‌ده صرف‌لگن پول‌لری نی قیته قولگه کیلتیره آلمه‌یدیلر.
نهرسراج تومنی‌ده‌گی دهقان‌لردن بیری گران، بوغدای بهاسی قویی کیلیشی‌دن شکایت قیلیب و ایتیشیچه، سونگی کون‌لر عایله نیازلری نی تامین‌لش اوچون قیین‌چیلیک‌لر بیلن روپه‌ره بولگن. اونینگ ایتیشیچه، برچه ایکینچی‌لیک وسیله‌لری نی کرایه آلگن ایکن که، حاضر ایسه بوغدای نینگ قویی بهاسی سبب، هیچ قنده‌ی فایده قولگه کیلتیره آلمه‌یدی و ایشلاوچی‌لیک اوچون ایران یا-ده باشقه مملکت‌لر گه کیتیش گه مجبور بولگن.
بیزلرنینگ فیسبوک صحیفه‌میزگه باش اورینگ!
باشقه بیر تامان‌دن، هلمند یشاوچیلریدن قطاری، بوغدای بهاسی قویی کیلیشی‌دن خورسند‌لیک بیلدیریب و ایتیشلریچه، قیمت‌لر نینگ یوقاری کیتگنی صورت‌ده، اولرنینگ بوغدای آلیش گه کوچلری ییتیشمه‌یدی.
هلمند مرکزی لشکرگاه شهری یشاوچیسی گل‌آغا نینگ ایتیشیچه، حاضر ایسه بیر سیر بوغدای بهاسی ۴۰۰ کلدار بولگنی بیلن، بیراق او بیر بوجی بوغدای آلیش گه کوچی ییتیشمه‌یدی و انه شوو سبب، قرض آلیش گه مجبور دیر.
شونینگدیک لشکرگاه شهری یشاوچیلریدن باشقه بیری خان‌گل نینگ ایتیشیچه، بیر سیر بوغدای بهاسی ۴۰۰-۴۲۰ کلدار دیر؛ بیراق اونینگ درآمدی آز دیر و عایله خره‌جت‌لری نی تامین قیله آلمه‌یدی.
اونگه کوره، حاضر ایسه هلمند‌ده اینگ کیچیک عایله صاحبی، ۱۲ کیشی‌دن عبارت دیر که، بیر سیر بوغدای ۲۴ ساعت‌ده اولر اوچون ییترلی ایمس.
باشقه بیر تامان‌دن، هلمند محلی مسئوللری نینگ ایتیشلریچه، ایکینچی‌لیک محصوللر نینگ عرضه و تقاضا برابر‌لیگی نی سقلش اوچون، مناسب بیر بازار ایجاد بولیشی‌دن خبر بیرگنلر.
بیزلرنینگ توییترده هم تعقیب قیلینگ!
هلمند معلومات و مدنیت ریاستی اورین‌باسری محمد‌قاسم ریاض نینگ ایتیشیچه: «ایکینچی‌لیک بولیمی‌ده زعفران، ریحان و پخته کبی ایکینچی‌لیک محصوللردن قطاری خصوصیده بازار توزه‌تیلیشی اوچون ایش‌لر نینگ دوامی بار و اولر نینگ پروسسی اوچون هم ایش‌خانه‌لر نینگ ایجاد بولیشی ممکن.»
ایتیش کیره‌ک که، هلمند مسئوللری برنامه‌لری نینگ قچان عمل گه آشیریلیشی بیللی ایمس و اوشبو برنامه‌لر نینگ قچان یولگه قوییلیشی نی زمان جواب بیریشی ممکن.