هلمند ده اوتگن نیچه دهه اوروشلر جریانیده ویران بولگن لبنیات ایشلب چیقریش و پروسس قیلیش بیر کارخانه فعالیتی، خصوصی سکتور همکارلیگی بیلن اوشبو ولایت ایکینچیلیک، چاروه‌چیلیک و سووغاریش ریاستی تامانیدن قیته باشلنه‌دی.
مذکور لبنیات ایشلب چیقریش و پروسس قیلیش کارخانه، افغانستان نینگ آخرگی پادشاه‌سی محمدظاهر شاه حاکمیتی‌ده قوریلگن. هلمند ایکینچیلیک، چاروه‌چیلیک و سووغاریش باشلیغی نیازمحمد وهاج نینگ ایتیشیچه، اوشبو کارخانه قریب ۴۲ میلیون افغانی خره‌جت بیلن قیته قوریله‌دی.
بیزلرنینگ «ایکس» ترماغی ده هم تعقیب قیلینگ!
جناب وهاج نینگ کوپه‌یتیریشیچه: «مذکور کارخانه‌ده، سوت، قتیق، پنیر و باشقه سوت محصولاتی ایشلب چیقریلیب، هلمند و باشقه قوشنی مملکتلر گه صادر بولیشی ممکن.»
هلمند ایکینچیلیک، چاروه‌چیلیک و سووغاریش باشلیغی گه کوره، اوشبو کارخانه نینگ قیته قوریلگنی‌دن کیین، کونده ۴۰ متریک تُن سوت نینگ پروسس بولیشی و اونینگ باشقه تور لبنیات‌لر گه اوزگرتیریلیشی ممکن.
شونده‌ی بیرحالده، اوشبو کارخانه نینگ حاضرگی سرمایه یاتقیزووچیسی محمد‌الله گه کوره، اونینگ فعال بولیشی بیلن مستقیم شکلده ۱۲۰ کیشی و غیرمستقیم شکلده تورت مینگ کیشی گه ایش زمینه‌سی یره‌تیلیشی ممکن. «هلمند نینگ برچه تومن‌لریدن سوت نی توپلب، اونی بو ییرده پروسس قیله‌میز و لبنیات گه اوزگرتیره‌میز. مذکور کارخانه نینگ فعال بولیشی بیلن مستقیم شکلده ۱۲۰ کیشی گه ایش زمینه‌سی یره‌تیله‌دی.»
هلمند یشاوچیلریدن قطاری مذکور کارخانه نینگ قیته قوریلیش ایشی‌دن خورسند‌لیک قیلیب و ایتیشلریچه، اونینگ فعالیتی قیته باشلنیشی حیوانی محصولات بیلن بازار تاپیلیشی بولیمی‌ده یاردم بیره‌دی.
چاروه‌چیلردن ملاخیل نینگ ایتیشیچه، سوت محصولاتی نی تولید و پروسس قیلیش کارخانه‌لری نینگ کوپه‌یشی کیره‌ک. «کوپ خورسند‌میز که سیگیرلر سوتی نی پروسس و باشقه سوت محصوللری گه اوزگرتیریلیشی اوچون بو ییر گه کیلتیریشیمیز خصوصیده یخشی بیر فرصت دیر.»
بیزلرنینگ فیسبوک صحیفه‌میزگه باش اورینگ!
شونینگدیک چاروه‌چیلردن باشقه بیری محمدقاسم نینگ ایتیشیچه: «جوده‌یم خورسند‌میز، چونکه افغانستان یشاوچیلریدن کوپینچه‌سی چاروه‌چیلیک و ایکینچیلیک بیلن شغللنگن و بو کارخانه نینگ فعال بولیشی بیلن حیوانی تولید‌لر گه یخشی بازار تاپیله‌دی.»
عین حالده، افغانستان یشاوچیلریدن کوپ قطاری ایکینچیلیک و چاروه‌چیلیک بیلن شغللنگنلر؛ بیراق حاضرگچه یشاوچیلر نینگ مصرف قیله‌دیگن حیوانی محصوللری، قوشنی مملکتلر اینیقسه ایران دن وارد بوله‌دی.
