هلمند ایکینچیلیک، سووغاریش و چاروه‌چیلیک ریاستی مسئوللری‌نینگ ایتیشلریچه، اوشبو ولایت‌ده تاووق گوشتی ایشلب چیقریلیشی اوتگن بیر ییل‌گه قره‌گنده ۱۵ فایز کوپه‌یگن.
اوشبو ریاست‌گه کوره، حاضر ایسه هلمند ولایتی‌ده بیر مینگ ۲۰۰ تاووق فارمی فعالیت قیلماقده و بو فارم‌لردن کونده قریب ۳۰ تُن گوشت تولید بولیب و بو ولایت اهالیسی‌نینگ نیازلریدن ۸۰ فایزی‌نی تامین‌له‌یدی.
بیزلرنینگ فیسبوک صحیفه‌میزگه باش اورینگ!
بو توغریده هلمند ایکینچیلیک، سووغاریش و چاروه‌چیلیک ریاستی‌نینگ چاروه‌چیلیک بولیمی مدیری شاه‌محمد خان‌گه کوره: «هلمند ده ۱۲۰۰ تاووق فارمی‌نی ثبت قیلگن‌میز، بلکیم اوشبو فارم‌لر سانی کوپ بولسه، چونکه اولردن قطاری ثبت بولمه‌گن. مذکور فارم‌لردن کونده ۳۰ تُن تاووق گوشتی تولید بوله‌دی. اوتگن ییل‌گه قره‌گنده فارم‌لر و ایشلب چیقریلیش میزانی قریب ۱۵ فایز کوپه‌یگن. حاضر ایسه هلمند بو بولیم‌ده قریب ۸۰ فایز خودکفالیککه ییتیشگن.»
باشقه بیر تاماندن، هلمند ده تاووق فارم‌لری ایگه‌لریدن قطاری، پاکستان دن تاووق وارد بولیشی و بازار ایسته‌کلریده تغییر کیلیشی‌نی تاووق‌چیلیک فعالیتی برابریده‌گی قیین‌چیلیکلردن دیگنلر.
هلمند ده آلتی‌ته تاووق فارمی‌گه ایگه بولگن هاشم‌خان‌نینگ سلام‌وطندار گه ایتیشیچه: «توپلم شکلده، آلتی‌ته تاووق فارمی‌گه ایگه‌مین. هر ۵۰ کون‌لیک دوره‌ده فارم‌دن قریب ۳۰ مینگ کیلوگرام تاووق گوشتی‌نی تولید قیله‌میز. شونده‌ی بیرحالده، بیر قطار قیین‌چیلیک‌لر بیلن روپه‌ره‌میز. جوجه‌لر پاکستان دن وارد بوله‌دی. تاووق‌لر آذوقه‌سی صفتی قویی دیر و بعضا بازار یوقلیگی اوچون زیان کوره‌میز.»
تاووق‌چیلیک، تاووق گوشتی تولید بولیشی‌ده خودکفاللیککه ییتیشیش اوچون یاردم بیرگنی یانیده، مینگ‌لرچه کیشی‌گه ایش فرصت‌لرینی هم یره‌ته‌‌دی.
بیزلرنینگ «ایکس» ترماغی ده هم تعقیب قیلینگ!
هلمند ده تاووق فارم‌لریدن بیریده ایشله‌یدیگن دوست محمد‌نینگ ایتیشیچه، بو یول آرقه‌لی آی‌ده ۲۰ مینگ پاکستان‌لیک کلدار درآمدی بولیب و مذکور درآمد بیلن اوز نیازلرینی تامین‌له‌یدی. «بو فارم‌ده ایشله‌یمن. هم ایش اورگنه‌من و هم آی‌ده ۲۰ مینگ کلدار درآمدیم بار. حاضر ایسه باشقه ایش یوق. قیش دیر و بو ایش‌نی اوزیم اوچون مناسبت بیلدیم.»
سونگی ییل‌لرده آز و اورته درجه‌ده سرمایه یاتقیزیلیش سبب، تاووق‌چیلیک تجارتی رواجلنیب و مملکت‌نینگ تورلی ولایت‌لریده‌گی سوداگرلر بو بولیم‌ده سرمایه یاتقیزگنلر.
