هلمند محلی مسئوللری نینگ ایتیشلریچه، بویوک‌لر و انسان پرور مؤسسه‌لر یاردمی بیلن، اوشبو ولایت نینگ تورلی منطقه‌لری و قتناو یوللریده قوریلگن ۱۳ مسجد فایده‌لنیشگه تاپشیریلگن.
عیاللر و ایرکک‌لر اوچون برچه امکانیت نظر گه آلینگن مذکور مسجدلر هلمند مرکزی لشکرگاه شهری، سنگین تومنی «ایکی یولی» منطقه‌سی، موسا قلعه، قندهار و هرات قتناو یوللریده قوریلگن.
بیزلرنینگ فیسبوک صحیفه‌میزگه باش اورینگ!
هلمند معلومات و مدنیت ریاستی اورین باسری محمدقاسم ریاض نینگ سلام‌وطندار گه ایتیشیچه، بو مسجدلر یشاوچیلر نینگ خواهش_ایسته‌گی بیلن مذکور قتناو یوللر و منطقه‌لرده قوریلگن.
اونگه کوره، اوشبو شاه یوللردن قتنه‌یدیگنلر، مسجد یوق‌لیگی باعث ایریم قیینچیلیک‌لر بیلن روپه‌ره ایدیلر.
هلمند معلومات و مدنیت ریاستی اورین باسری نینگ کوپه‌یتیریشیچه، اوچ مسجد بیر سوداگر، بیر مسجد اوشبو ولایت نینگ سوداگرلیک اتاقی و باشقه‌لری انسان پرور کیشی‌لر و مؤسسه‌لر نینگ مالی یاردمی بیلن قوریلگن.
بیزلرنینگ «ایکس» ترماغی ده هم تعقیب قیلینگ!
باشقه تاماندن، اوشبو یول یولاوچیلری مسجدلر قوریلیشیدن خورسندلیک قیلیب ایتیشلریچه، قوریلگن برچه مسجدلرده ضروری امکانیت‌لر نظرگه توتیلگن.
مذکور مسجدلرده عیاللر و ایرکک‌لر اوچون علیحده مکان‌لر، ترانسپورتی واسطه‌لر اوچون بیکت‌لر نظر گه آلینگن.
ایتیش کیره‌ک که، سرپرست حکومت وزیرلر کینگشی، مملکت قتناو یوللریده یولاوچیلر اوچون مسجد قوریلیشی گه قرار قیلگن.