میدان‌وردک‌ده بیر مسجد، ۴۰۰ مینگ دالر خره‌جت بیلن توزه‌تیلیب و بوگون (دوشنبه، ۱۶-اسد)، بیر مراسم آرقه‌لی فایده‌لنیش گه تاپشیریلگن.
میدان‌وردک رسمی‌لری نینگ ایتیشلریچه، اوشبو ولایت نینگ «دشت توپ» ساحه‌سیده، کابل-قندهار قتناو یولی یقینیده «الفتح» اسمی آستیده بیر مسجد توزه‌تیلگن.
بیزلرنینگ فیسبوک صحیفه‌میزگه باش اورینگ!
میدان‌وردک ولایت رسمی‌لری آرقه‌لی سلام‌وطندار گه یوباریلگن خبرنامه‌ده کیلیشیچه، مذکور مسجد «حاجی نقیب‌الله» اسملی ملی سوداگر تامانیدن، ۴۰۰ مینگ دالر خره‌جت بیلن توزه‌تیلگن.
خبرنامه‌ده کوپه‌یتیریلیشیچه، ایکی قوت‌لی اوشبو مسجد، بیر ییل‌ده ایکی جریب ییر مساحتی‌ده توزه‌تیلگن که، بیر پیت‌ده بیر مینگ نماز اوقووچی نینگ سیغیش ظرفیتی گه ایگه دیر.
بیزلرنینگ توییترده هم تعقیب قیلینگ!
ارایه بولگن معلومات اساسیده، اوشبو مسجد‌ده عیال‌لر اوچون هم مخصوصی ییر نظر گه آلینگن و میدان‌وردک نینگ دشت توپ منطقه یشاوچیلری گه علاوه، کابل-قندهار قتناو یولی یولاوچیلری نینگ هم اوشبو مسجد‌ده نماز اوقیشلری ممکن.
ایتیش کیره‌ک که، مذکور مسجد نینگ آچیلیش مراسمی‌ده، رسمی‌لردن قطاری جمله‌دن میدان‌وردک حاکمی و محل یشاوچیلر نینگ حضوری بار ایکن.
