حزب‌الله لبنان، اسرائیل نینگ توقیز حربی پایگاه‌سیگه راکته و پهپاد بیلن هجوم اۉیوشتیرگنینی معلوم قیلگن.
رویترز آژانسی گه کوره، حزب‌الله لبنان ۲۴-جوزا، پنج‌شنبه کونی اسرائیل نینگ حرب پایگاه‌لری گه هجوم اۉیوشتیرگن.
حزب‌الله، کاتیوشا و فلق راکته‌لرینی اسرائیل نینگ آلتی حربی مکانی تامان آتگنینی ادعا قیلگن.
بیزلرنینگ فیسبوک صحیفه‌میزگه باش اورینگ!
باشقه تاماندن حزب‌الله لبنان گه منسوب «المنار» تلویزیونی، ۱۰۰ دن آرتیق موشک بیر وقت ایچیده اسرائیل تامان آتیلگنی حقیده خبر بیرگن.
اسرائیل رسمی‌لری بو هجوملر نینگ تلفاتی و زیان‌لری حقیده حاضرگچه فکر-ملاحظه بیلدیرمه‌گن.
ایتیش کېره‌ک، ۲۲-جوزا، سه‌شنبه کونی اسرائیل حربی کوچلری نینگ لبنان جنوبی حدودلری «جویا» شهری گه اۉیوشتیرگن هوا هجوملری عاقبتیده حزب‌الله لبنان نینگ چمه‌سی تورت ییریک قوماندانی جمله دن گردان النصر قوماندانی «ابوطالب» هلاک بولگن.
بیزلرنینگ «ایکس» ترماغی ده هم تعقیب قیلینگ!
اسرائیل نینگ بو هجومی، غزه اوروشی باشلنگنیدن حاضرگه قدر لبنان جنوبی گه اېنگ کوچلی هجومی دیېلگن.
حزب‌الله اۉتگن کون اسرائیل نینگ بو هجومی گه مناسبت بیلدیریب ۱۰۰ دن آرتیق موشک اسرائیل تامان آتگن اېدی.
