هرات ولایتی نینگ ۱۹ تومنی‌دن عایله اعضالرینی قولدن بیرگن عیاللر بیر ییغین آرقه‌لی، دولت گه قرشی گروهلردن اوروشدن قول تارتیب و آتیش‌کیسین اعلان قیلیش‌لرینی سوره‌گنلر.
مذکور عیاللردن بیری خانم مریم دیر. او، پولیس قطاریده فعالیت قیله‌دیگن ایکی فرزندینی هرات نینگ شیندند تومنیده طالبان هجومی سبب، قولدن بیرگن.
خانم مریم، دولت‌گه قرشی قوراللی گروهلردن اوروش‌نی یکونلنتیریب و دایمی تینچلیک تامین قیلیش‌لرینی سوره‌گن.
شونینگدیک، عایله اعضالرینی قولدن بیرگن زهره و خانم فاطمه، طالبان گروهی دن آتیش‌کیسین اعلان قیلیشینی سوره‌یدی.
عین‌حالده، هرات حاکمی نینگ اجتماعی اورین باسری مونسه حسن زاده، تینچلیک مذاکره‌سیدن کیین عیاللر حقی خصوصیده خواطر بیلدیریب، عیاللر حقی قیزیل چیزیغی میز دیب، لیکن طالبان گروهی اوشبو مذاکره ده عیاللر حقی توغری سیده یخشی نیت کورستمه‌گنینی بیلدیرگن.
مذکور ییغینده اشتراک قیلگن باشقه عیاللر، تینچلیک سوزلشوولرده عیاللر حقوقی سقله‌نیشینی سوره‌گنلر.