هرات محلی مسوول‌لری نینگ ایتیش‌لریچه، اوشبو ولایتده ترافیکی بیر حادثه عاقبتیده، ۱۰ کیشی هلاک و باشقه ۶ کیشی یره‌لنگن.
اولرنینگ ایتیش‌لریچه، مذکور ترافیکی حادثه بوگون “پنجشنبه” ایرته‌لب ساعت ۵ اطرافیده هرات-قندهار قتناو یولی‌ده یوز بیرگن.
هرات حاکمی سوزلاوچیسی جیلانی فرهاد نینگ ایتیشیچه، بو واقعه‌ده ۵ ایرکک، ۳ عیال و ۲ باله شامل ۱۰ کیشی هلاک و باشقه ۶ کیشی یره‌لنگن.
جناب فرهاد گه کوره، یره‌لنگن کیشی‌لر هرات حوزه‌یی کسلخانه‌سیگه انتقال بیریلگن.
عین‌حالده، هرات ولایتی بوییچه ساغلیق‌نی سقلش ریاستی سوزلاوچیسی محمدرفیق شیرزی نینگ ایتیشیچه، حاضرگه‌قدر بو واقعه دن ۳ جسد و ۷ یره‌دار کیشی کسلخانه‌گه انتقال بیریلگن.
ایتیلیشیچه، هیداووچی‌لرنینگ دقت‌سیزلیگی سبب، بو حادثه یوز بیرگن.