اسلام امیرلیگی ییریک رسمی‌لریدن بیرقطاری، بوگون (یک‌شنبه، ۲۳ میزان)، کابل ده خلق‌ارا اقلیم اوزگریش هفته‌سی مناسبتی بیلن یولگه قوییلگن ییغیلیش ده، افغانستان ده اقلیم اوزگریش زیان‌لریدن خواطر بیلدیرگنلر.
اولر نینگ ایشانچی گه کوره، اقلیم اوزگریشی باعث اوتگن ییل‌لرده افغانستان ده اورمان‌لر، ایکینچیلیک و سوو منبع‌لری کبی طبیعی منبع‌لر جدی زیان کورگن.
مذکور ییغیلیش ده ایکینچیلیک، سوغاریش و چاروه‌چیلیک وزیرلیگی سرپرستی عطاءالله عمری نینگ ایتیشیچه: «افغانستان ده اقلیم اوزگریشی طبیعی واقعه‌لر، دایمی قوروق‌چیلیک، سوو تاشقینی، حیوانی تورلی خیل کسل‌لیک ترقه‌لیشی، کمبغل‌لیک و ایچکی آواره‌لر آشیشی گه سبب بوله‌دی.»
بیزلرنینگ فیسبوک صحیفه‌میزگه باش اورینگ!
اوشبو ییغیلیش ده اطراف_محیط ملی اداره سرپرستی حافظ عزیزالرحمان گه کوره: «هر بیریمیز یشش محیط بولیمیده اوز مسئولیتی‌میزنی بجریب و اقلیم اوزگریشی گه دایر اقدام قیلیشی‌میز کیره‌ک.»
اسلام امیرلیگی رسمی‌لری نینگ معلوماتی اساسیده، افغانستان دنیا بویلب اقلیم اوزگریشی باعث جدی زیان کورگن آلتینچی مملکت دیر.
سرپرست حکومت رسمی‌لری گه کوره، افغانستان گلخانه‌ی گازلرنی تولید قیلیش ده آز رولی بولسه ده؛ بیراق بوتوغریده کوپ زیان کورگن.
اسلام امیرلیگی باش وزیرلیگی نینگ اداری اورین باسری عبدالسلام حنفی نینگ ایتیشیچه: «افسوس بیلن افغانستان اقلیم اوزگریشی و باروت کوپ استعمال قیلینیشی باعث کوپ زیان کورگن، معلومات‌لر اساسیده افغانستان اقلیم اوزگریشی باعث زیان کورگن آلتینچی مملکت دیر.»
اسلام امیرلیگی رسمی‌لری دنیا همجمعیت دن، اقلیم اوزگریشی گه قرشی کوره‌ش اوچون افغانستان گه یاردم بیریشینی طلب قیله‌دیلر.
بیزلرنینگ «ایکس» ترماغی ده هم تعقیب قیلینگ!
اسلام امیرلیگی باش وزیرلیگی نینگ سیاسی اورین باسری مولوی عبدالکبیر، اوشبو مناسبت بیلن بولگن پیامی ده ایتیشیچه: «بیز یشش محیط حقوقی خصوصیده دنیا دن عدالت ایسته‌یمیز، دنیا دن اقلیم اوزگریشی گه قرشی کوره‌ش اوچون بیز گه یاردم بیریب و سیاسی مسئله‌لر نی چیتده قوییب یشش محیط پروژه‌لرینی قیته باشلش‌نی سوره‌یمیز.»
افغانستان ده‌گی سیاسی وضعیت باعث اوتگن ایکی ییل ده، اقلیم اوزگریشی بولیمیده جهانی اونلب پروژه توخته‌تیلگن بیرحالده، اسلام امیرلیگی رسمی‌لری دنیا همجمعیت دن اقلیم اوزگریشی بولیمیده افغانستان گه یاردم بیریشینی سوره‌گنلر.
ایتیش کیره‌ک که، سونگی ییل‌لرده اقلیم اوزگریشی باعث سوو تاشقینی و کیتمه_کیت قوروق‌چیلیک، انسانی تلفات گه علاوه، میلیون‌لرچه دالر افغانستان نینگ اقتصادی گه زیان ییتکیزگن.