اسلام امیرلیگی باش وزیرینینگ اداری اورین باسری عبدالسلام حنفی، افغانستان گه قیتریلگن قاچقینلردن، اوشبو مملکت آبادانچیلیگی و ترقیاتیده حصه قوشیشلرینی سورهگن.
قاچقینلر قیینچیلیکلرینی حل قیلیش بوییچه عالی کمیسیونینینگ اکس صحیفهسیده یازیشیچه، جناب حنفی بو موضوعنی اوتگن شنبه کونی، پایتخت ترمینال کمپیدن کوریب چیقیش جریانیده بیان قیلگن.
اسلام امیرلیگی باش وزیرینینگ اداری اورین باسریگه کوره، اسلام امیرلیگی مملکت گه قیتگن قاچقینلرگه خذمت کورسهتیلیشی و اولرنینگ قیینچیلیگی حلیگه متعهد دیر.
مملکتلردن افغانستانلیک قاچقینلرنینگ قیتریلیش جریانی دوام قیلماقده و قاچقینلر وزیرلیگینینگ معلوماتی اساسیده، تورت ییل ایچیده قوشنی مملکتلردن قریب ییتی میلیون کیشی افغانستان گه قیتگن.
