بیرلشگن ملتلر تشکیلاتی نینگ باش کاتبی آنتونیو گوترش، بغلان ده سوو تاشقین‌لریدن زیان کورگنلر گه همدردلیک بیلدیریب و افغانستان یشاوچیلری بیلن بیردملیک اعلام قیلگن.
بیرلشگن ملتلر تشکیلاتی نینگ باش کاتبی سوزلاوچیسی استفان دوجاریک، اوتگن کون کیچ قورون (شنبه، ۲۲-ثور)، بیر بیانیه آرقه‌لی ایتیشیچه، گوترش بغلان ده یوز بیرگن سوو تاشقینی تلفاتی‌دن «خفه» بولگن.
بیزلرنینگ «ایکس» ترماغی ده هم تعقیب قیلینگ!
بیانیه‌ده کیلیشیچه، افغانستان ده بیرلشگن ملتلر تشکیلاتی و شریک‌لری اسلام امیرلیگی رسمی‌لری بیلن سوو تاشقین‌لردن زیان کورگنلر نینگ نیازلری نی تیکشیریب و اولر گه عاجل یاردم ارائه قیلماقده‌لر.
جمعه کونی افغانستان نینگ شمال و شمال شرقی ولایت‌لری ویران قیلووچی سوو تاشقین‌لر نینگ یوز بیریشی گه شاهد بولیب و بغلان ایسه اینگ کوپ زیان کورگن ولایت دیب اعلام بولگن.
بیزلرنینگ فیسبوک صحیفه‌میزگه باش اورینگ!
بیرلشگن ملتلر تشکیلاتی نینگ آزیق-آوقت دستوری اوتگن کون توش‌دن کیین، بغلان ده سوو تاشقینی یوز بیرگنی نتیجه‌سیده، ۳۰۰دن آرتیق کیشی نینگ اولیب و ۱۰۰۰دن آرتیق یشش اوی نینگ ویران بولگنی نی اعلام قیلگن ایدی.
