بیرلشگن ملتلر تشکیلاتی باش کاتبی آنتونیو گوترش، اسرائیلنینگ لبنان گه هجوملری و تینچ اهالی اولدیریلیشینی قارهلهدی.
گوترش، بوگون (۲۰ حمل/۹ اپریل، جمعه) اسرائیل لبنان گه هجوملری عاقبتیده یوزلب تینچ اهالی جملهدن بالهلرنینگ اولیب و یرهلنیشیگه سبب بولگنینی بیلدیرگن.
بیرلشگن ملتلر تشکیلاتی گه کوره، بو هجوملر تینچ اهالی آست قوریلمهلریگه آغیر ضرر ییتکزگن.
او، لبناندهگی اوروش تامانلریدن، هر قندهی شرایطده خلقارا قاعدهلرگه رعایت قیلیشلرینی سورهگن.
حزبالله لبنان، امریکا و اسرائیلنینگ ایران گه هجوملریگه جواباً ایراننی قوللب-قوتلش مقصدیده ایکینچی مارچ کونی اسرائیل گه قرشی هجوملرینی باشلهدی.
امریکا و اسرائیل، ایران بیلن ایکی هفتهلیک آتیش کیسین اعلان قیلگن بولسه-ده، بیراق اسرائیل باش وزیری بنیامین نتانیاهو، بو کیلیشووگه لبنان شامل ایمسلیگینی ایتگن.
