«حبیبیار» خیریه جمغرمهسی، ۱۰-میزان، پنجشنبه کونی اوشبو ولایت مرکزی زرنج شهریده ۱۰۰ ییگیتنینگ توپلم توی مراسمینی اوتکزدی.
اوشبو جمغرمه مسئولی میرویس مالکی، صرف-خرهجتدن باشقه، هر بیر ییگیت گه اوی بوتون بویوملری آلیب بیریلگنینی معلوم قیلدی.
نیمروز اخبارات و مدنیت باشلیغی حبیبالله الهام، یشاوچیلر کوپ صرف-خرهجت و ناتوغری عنعنهلر گه توسیق بولیشلری کیرهک دییدی.
غزنی ولایتیده هم، اوتگن کون ۱۸ ییگیتنینگ توپلم تویی «مسیر سعادت» خیریه جمغرمهسی تامانیدن اوتکزیلدی.
مذکور جمغرمه مسئولی محمد غوث کاوش گه کوره، بو توپلم توی مراسمی ناتوغری عنعنهلر و قولی مراسملر رواجلنیشی مقصدیده اوتکزیلدی.
ینگی کیاو و کیلینلر، باشقه ییگیتلردن هم تویلرینی گروهی و آز خرهجت بیلن اوتکزیشلرینی سورهدیلر.
