جوزجان ده محلی مسئوللر، اوشبو ولایت خواجه دوکوه تومنینینگ «باشکوت دشتلیلی» قیشلاغیده، ۲ کیلومتردن آرتیق سرکنینگ جغل توشش ایشی باشلنگنیدن خبر بیرگنلر.
جوزجان قیشلاقلرنی رواجلنتیریش و قیته قوریش ریاستی سوزلاوچیسی ثمرالدین نورینینگ ایتیشیچه، مذکور سرک اوزونلیگی ۲ مینگ ۲۵۰ متر بولیب، بیر میلیون ۶۲۳ مینگدن آرتیق افغانی خرهجت کوتارهدی.
بیزلرنینگ فیسبوک صحیفهمیزگه باش اورینگ!
جناب نوریگه کوره، اوشبو سرکنینگ جغل توشش ایشی قیشلاقلرنی رواجلنتیریش و قیته قوریش ریاستی آرقهلی، همکار بیر نهادنینگ مالی یاردمی بیلن باشلنگن.
جوزجان قیشلاقلرنی رواجلنتیریش و قیته قوریش ریاستی سوزلاوچیسی، بو لایحهنینگ عملگه آشیریلگنیدن مقصد، مذکور قیشلاق یشاوچیلرینینگ باریب کیلیشی توغریسیده قولیلیک یرهتیلیشی دیگن.
بیزلرنینگ «ایکس» ترماغی ده هم تعقیب قیلینگ!
محل یشاوچیلردن قطاری اوشبو لایحهنینگ باشلنگنیدن خورسندلیک قیلیب و ایتیشلریچه، ییللردن بویان اینیقسه قیش موسومیده اوتیب-قیتیش توغریسیده کوپینچه قیینچیلیک بیلن روپهره ایکنلر و مذکور سرک ایشینینگ یکونلنیشی بیلن اولرنینگ قیینچیلیکلری حل بولیشی ممکن.
