جوزجان ده محلی مسئوللر، اوشبو ولایت مرکزی شبرغان شهری حدودلریده قریب ۴ کیلومتر سرکنینگ جغل توشش ایشی باشلنگنیدن خبر بیرگنلر.
جوزجان قیشلاقلرنی رواجلنتیریش و قیته قوریش ریاستی سوزلاوچیسی ثمرالدین نورینینگ ایتیشیچه، مذکور سرک اوزونلیگی ۳ مینگ ۸۶۵ متر بولیب، بیر میلیون ۶۰۰ مینگدن آرتیق افغانی خرهجت کوتارهدی.
بیزلرنینگ «ایکس» ترماغی ده هم تعقیب قیلینگ!
جناب نوریگه کوره، اوشبو سرکنینگ جغل توشش ایشی همکار بیر نهاد مالی یاردمی بیلن شبرغان شهرینینگ اوچ قیشلاغیده باشلنگن.
جوزجان قیشلاقلرنی رواجلنتیریش و قیته قوریش ریاستی سوزلاوچیسی، بو لایحهنینگ عملگه آشیریلگنیدن مقصد، یشاوچیلرنینگ باریب-کیلیشی توغریسیده آسایشتهلیک یرهتیلیشی و قیینچیلیکلری حل بولینیشی دیگن.
بیزلرنینگ فیسبوک صحیفهمیزگه باش اورینگ!
شوندهی بیرحالده، جوزجان قیشلاقلرنی رواجلنتیریش و قیته قوریش باشلیغی اسدالله حمزه، مذکور سرکلرنینگ جغل توشش ایشی جریانیدن کوریب، بو لایحهلرنینگ وقتیده، ستندرد و صفتلی شکلده یکونلنیشیگه تاکید قیلگن.
ایتیلیشچه، محل یشاوچیلر اوشبو لایحهنینگ عملگه آشیریلیشیدن خورسندلیک قیلیب و ایتیشلریچه، بوندن آلدین کوپینچه قیینچیلیک بیلن روپهره ایکنلر.
