احمدی ناملی تقینچاق توزهتیش کیچیک ایشخانهگه بیرقطار محنتکار عیاللر ییغیلیب، مخصوص مهارتلری بیلن تاشلرنی یسب چیرایلی تقینچاق توزه تهدیلر.
کابلنینگ شهرآرا منطقهسیده جایلشگن احمدی تقینچاق توزهتیش ایشخانهسینینگ صمیمیت بیلن توله فضاسیده، هر بیر عیال تقینچاق توزهتیلیشی اوچون نیاز بولگن ایش بیلن شغللنگن.
مذکور ایشخانهده تاشلرنی یسش دستگاهسیده ایش بیلن شغللنگن فریبا ابراهیمینینگ ایتیشیچه: «عایله خرهجتینی تامین قیلهمن. بالهلریم کیلهجگی اوچون سعیوحرکت قیلهمن که اولر آتهلری یوقلیگی نی حس قیلمهسینلر.»
بیزلرنینگ فیسبوک صحیفهمیزگه باش اورینگ!
بیش بالهنینگ آنهسی بولمیش بانو ابراهیمی، تقینچاق توزهتیش یانیده بالهلریگه یخشیراق بیر حیاتنی تامینلش مقصد، کونیدن کوپینچه ساعتینی بو ییرده تاشلرنی یسش بیلن اوتکزهدی.
اونینگ کوپهیتیریشیچه: «اوچ ییل WFP ده ایشلهدیم، کیین ایسه روپانی ادارهسیده ایشگه باشلهدیم. بو ییرده هم اویمهکارلیک نی اورگنیب و کیین اوز ایاغیمده توختهش مقصد بو توغریده ایشلش گه باشلهدیم.»
بو ایشخانهده نیاز بولگن تاشلر افغانستاننینگ تورلی ییرلریدن تیارلنهدی. بو توغریده مذکور ایشخانه مسئوللریدن بیری بولمیش فریبا ابراهیمینینگ ایتیشیچه: «بعضی کیشیلر بیزلرگه تاشلرنی بدخشان دن کیلتیرهدیلر. بعضیلر ایسه تخاردن کیلتیرهدیلر. شونینگدیک کابلنینگ شهرنو منطقهسیده جایلشگن عتیقه ساتیلهدیگن کوچهسیدن هم ساتیب آلهمیز. هر ییرده بیر کیشینی تانیسهک، اولردن تاش ساتیب آلهمیز.»
ایشخانهدهگی ایشلردن باشقه بیر قسمی ایسه، یسش دستگاهسی آستیدن اوتیب و جلا بیریلیش بولیمی دیر که بو مسئولیت، مدینه رشیدینینگ بوینیگه دیر. «اهالیگه کورستماقچین ایدیک که ایرککلر قیلهدیگن ایشنی عیاللر هم قیله آلهدی. عیاللر هم بو ایش نی عملگه آشیره آلهدی. نیگه بیزلر بو ایشنی قیله آلمهیلیک. ایرککلردن هیچ کملیگیمیز یوق.»
گرچند بو ایشنینگ مدینه اوچون اوزیگه مخصوص قیینچیلیکلری هم بار، لیکن قیزیقیش و نیاز، ایکیلهسی اونینگ بو ایشگه باشلهشیگه سبب بولگن. «قیزلر یوزیگه مکتبلر ایشیگی یاپیلگنیده ۹-صنف اوقووچیسی ایدیم. اویگه ایشسیز بولیب و افسرده بولگن ایدیم. حویلیگه چیقهر ایدیم و بعضا ایسه بیران یقینداشنینگ اوییگه کیتهر ایدیم. روحی قیینچیلیک بیلن روپهره بولگن ایدیم.»
مدینه مکتب باریشدن محروم قالیب و ایکی ییل ایشسیز قالگنیدن کیین، حاضرگی ایشیگه باشلهب و بو ایش آرقهلی اوزینینگ روحی قیینچیلیکدن قوتقرگن. «ایکی ییلدن کیین بو ییرده ایش گه باشلهدیم. حقیقتا بو ایش آرقهلی رواجلنیب و کوپ نرسهنی اورگندیک. ایرککلرگه تیگیشلی بیر ایش دیر و بیر افغانستانلیک عیال صفتیده بو ایش بیلن شغللنگنیمیز اوچون فخر قیلهمیز .»
بیزلرنینگ «ایکس» ترماغی ده هم تعقیب قیلینگ!
مذکور عیاللر ایشینینگ بیر بولیمی زرگرلیک دیر؛ اولر تاشلرنی یسش و جلا بیریشدن کیین تاقیلهدیگن تقینچاققه اوزگرتیرهدیلر.
زمیره احمدی، بو ایشخانهدهگی مسئوللردن و ایکی-اوچ ییلدن بویان مذکور ایشخانهده ایش بیلن شغللنگن زرگرلردن بیری دیر. «ایش گه باشلهگنیمیزده سکیز کیشی ایدیک. بیزلر بیلن بو ییره ایشلهیدیگن عیاللردن قطارینینگ عایلهوی قیینچیلیگی بار ایدی. حاضر ایسه زرگرلیک بولیمیده تورت کیشی و اویمهکارلیک بولیمیده ایسه ایکی کیشی ایشلهیمیز.»
بو کیچیک ایشخانهده تیارلنهیاتگن تقینچاقلر، گوزهللیک یرهتیشی یانیده عیالرنینگ بو یولدهگی قیینچیلیکلری و قوللریده قالگن جراحتلرنی بیان قیلهدی که مذکور عیاللر، اوی چیککهسیده اولتیریش اورنیده، گوزهللیک یرهتیش مقصد بیللرینی باغلهب و حرکت قیلگنلر.
