بغلان ولایتی نینگ برکه تومنیده جایلشگن امنیتی کوچلردن بیرقطاری نینگ تیلفون آرقه‌لی، سلام‌وطندارگه ایتیش‌لریچه، مذکور تومن یول‌لرینی یاپیق‌لیگی سبب، حربی جهاز و آذیق-آقات نینگ کم‌لیگی بیلن روپه‌ره بولگنلر.
اولرنینگ ایتیش‌لریچه، بو قیین‌چلیک‌لرنی حربی مسئولر بیلن شریک قیلگنلر، لیکن اولر بو توغریده دقت قیلمه‌گن.
برکه تومنی ولسوالی تاج محمد تقوا، بو تومن بیرقطار منطقه‌لرینی طالبان نظارتیگه بولگنینی تصدیق‌لب ایتیشیچه، یول‌لرنینگ باغلنگنی سبب، امنیتی کوچلر کسل‌لری و یره‌دارلرینی مرکزگه انتقال بیره‌آلمه‌یدی‌لر.
شونینگدیک، مردمی کینگش باشلیغی عبدالواحد حقجو نینگ ایتیشیچه، مذکور تومن نینگ یولی نینگ باغلنگنی سبب، کوپ قطار عایله‌لر اویلرینی ترک قیلگن.
بیراق، بغلان پولیس قومندانی ویس صمیمی نینگ ایتیشیچه، ۳ کون آلدین حربی جهاز و آذیق-آوقات مذکور تومنده جایلشگن امنیتی کوچلرگه ییتیشتیریلگن. جناب صمیمی، برکه تومنیده جایلشگن امنیتی کوچلر ادعالرینی رد قیلگن.
عینحالده، امنیتی منبع‌لردن بیرقطاری نینگ ایتیش‌لریچه، اوشبو تومن نینگ یالغیز پولیس قومندانلیگی و تومن بناسی دولتی کوچلر نظارتی گه دیر و باشقه منطقه‌لریده ایسه طالبان گروهی حکومت قیله‌دی.
