۳۶ یاشر فیروزه چرچه‌گن قوللری و امیدگه توله فکری بیلن حیات قیین‌چیلیکلری‌گه تسلیم بولمسلیک اوچون تیکووچیلیک ماشینی‌نی اَیلنتیریش‌گه دوام بیریب، کیچیک یاش‌دن تیکووچیلیککه قیزیققنی‌نی بیان قیله‌دی. اونینگ ایتیشیچه: «کیچیک‌لیکدن تیکووچیلیک، گلدوزلیک و بو یول آره‌لی درآمد قولگه کیلتیریب و عایله‌م گه یاردم بیریش‌‌گه قیزیققن ایدیم.»
غور مرکزی فیروزکوه شهری‌‌نینگ بیر چیککه‌سیده حیات کیچیره‌دیگن فیروزه، تیکووچیلیک ماشین‌نی باش مرته ۱۲ ییل آلدین اویی‌گه کیلتیریب و حاضر ایسه بو ییرده اینگ موفق تدبیرکار عیاللردن بیری صفتیده تانیله‌دی.
بیزلرنینگ «ایکس» ترماغی ده هم تعقیب قیلینگ!
اونینگ ایتیشیچه، اوتگن ۱۲ ییل‌ده اونلب قیز و عیال گه ایش اورگه‌تیب و اولرگه درآمد منبع‌سی و بیر شغل‌نی اورگه‌تیش‌گه یاردم بیره آلگن. «کوپینچه ییل‌لردن بیری مین تیکووچیلیک قیله‌من و کوپینچه ایش اورگه‌نووچی‌نی فارغ بیرگن‌مین. حاضر هم شاگردیم بار و تورلی وقت‌لرده کیلیب، ایش اورگنه‌دیلر. عایله‌م‌نینگ نیازلرینی تامین قیلیش اوچون اولردن فیس هم آله‌من.»
فیروزه، کیچیک تیکووچیلیک ایش‌خانه‌سیده، کییم تیکیلیش‌نینگ برچه مرحله‌لرینی صبر و حوصله بیلن شاگرد‌لری گه اورگه‌ته‌دی و شونینگدیک اولرگه تیکووچیلیک ماشین‌لر‌نینگ دست‌لبکی ترمیم‌لنیش ایشلری‌نی اورگه‌نیشلری‌گه هم یاردم بیره‌دی.
اوشبو ایش‌خانه‌ده عیاللر و قیزلر تورلی‌خیل عیاللر کییم‌لری دیزاینی‌‌نی تیکیش و مهره‌دوزلیک‌نی اورگنه‌دیلر. «هر مدل گه کییم تیارله‌یمیز. مثلا پنجابی، ساری‌دامن، چتری‌دامن، کمرچین و هر قنده‌ی شکل بولسه توزته‌من. تیکه‌دیگنیم کییم‌لردن هم پول آله‌من و تیار تیکیلگن کییم‌لرنی ساته‌من و اولر‌نینگ بویورتمه‌لرینی آله‌من.»
مذکور عیال‌نینگ ایتیشیچه، حاضر آنلاین شکلده تورلی ولایت‌لردن هم کییم تیکیلیشی بویورتمه‌لرینی آلیب و هر بیر کییم‌‌نی ۲۰۰-۸۰۰ افغانی گه تیکه‌دی. مکتب باریش‌دن محروم قالیب و فیروزه‌نینگ ایش‌خانه‌سیگه تیکووچیلیک اورگه‌نیش اوچون باره‌دیگن قیزلردن قطاری، اوی‌دن چیقیب و مالی مستقل‌لیککه ییتیشیش اوچون بیر مسلک‌نی اورگنه آلیشلری توغریسیده خورسند‌لیک بیلدیرگنلر.
بیزلرنینگ فیسبوک صحیفه‌میزگه باش اورینگ!
مذکور قیزلردن بیری عزیزه‌نینگ ایتیشیچه: «قریب ایکی آی‌دن بیری تیکووچیلیک کورسی‌گه کیله‌من. قیچی قیلیش و تیکیش‌نی اورگندیم. بو برنامه جوده‌یم یخشی دیر. مکتب‌لر ایشیگی یاپیلگنی‌دن کیین بو ییرگه کیلیب، تیکووچیلیک اورگه‌نیش بیر اویین-کولگی. بو ییرده تیکووچیلیک اورگه‌نیب و بو یول آرقه‌لی کیله‌جک‌ده عایله اقتصادی‌گه یاردم بیره آلیشیمیز و اوز ایاغیمیز‌گه توخته‌یشیمیز ممکن.»
فیروزه اوزی و عیاللر اوچون ایشی‌نینگ اهمیتی‌گه تاکید‌لب و ایتیشیچه، کوپینچه عیال و قیزگه تیکووچیلیک اورگه‌تیش زمینه‌سینی یره‌تگنی یانیده، ایشینی کوچه‌یتیریب و فعالیتی‌نینگ رواجلنیشینی ایسته‌یدی.
