غور محلی مسئوللری، بوگون (سه‌شنبه، ۲ جوزا) اوشبو ولایت مرکزی فیروز کوه شهری «مدرسه» قیشلاغیده یوز بیرگن سوو تاشقینی عاقبتیده، اوچ عیال و کیچیک یاشر بیر قیز هلاک بولیب و باشقه بیر عیال لادرک بولگنیدن خبر بیره‌دیلر.
غور حاکمی سوزلاوچیسی عبدالواحد حماس نینگ سلام‌وطندار گه ایتیشیچه، سوو تاشقین‌لری انسانی تلفات گه علاوه یشاوچیلر گه مالی آغیر زیان ییتکیزگن.
بیزلرنینگ فیسبوک صحیفه‌میزگه باش اورینگ!
باشقه تاماندن، فیروزکوه شهری مدرسه قیشلاغی یشاوچیلریدن بیرقطاری گه کوره، مذکور قیشلاق ده یوز بیرگن سوو تاشقین‌لری عاقبتیده اوچ عیال و بیر باله قربان بولیب و باشقه بیر عیال یره‌لنگن.
مدرسه قیشلاغی یشاوچیلریدن امان‌الله نینگ ایتیشیچه، اوشبو طبیعی آفت ده ۲۰ دن آرتیق یشش اوی بوزیلگن و واقعه تلفاتی رقمی کوپ بولیش احتمالی موجود دیر.
بیزلرنینگ توییترده هم تعقیب قیلینگ!
عین‌حالده، مذکور ولایت نینگ پسابند تومنی یشاوچیلریدن بیرقطاری، اوشبو تومن نینگ قطار قیشلاق‌لریده یوز بیرگن سوو تاشقین‌لری، یشاوچیلر گه آغیر زیان ییتکیزگنینی ایته‌دیلر.