غور امنیه قوماندانلیگینینگ ییتکرمهلر ادارهسی، بیر بیانیه آرقهلی ایتیشیچه، اوشبو ولایتده چقماق بیر بالهنینگ اولیمیگه سبب بولگن. مذکور واقعه ۵-حمل، سهشنبه کیچه، غور ولایتی پسابند تومنی حدودلریده جایلیشگن «برج کاکری» منطقهسیده یوز بیرگن.
بیانیه اساسیده، اوشبو باله، یشش اوینی چقماق اوریشی نتیجهسیده هلاک بولگن. غور ولایتیده ایکی کوندن بویان چقماق بیلن کوچلی یاغینگرچیلیکلر یوز بیرماقده.
بیزلرنینگ «ایکس» ترماغی ده هم تعقیب قیلینگ!
ترانسپورت و هوا یوللری وزیرلیگینینگ هواشناسلیک ریاستی اوتگن کونی مملکتنینگ ۲۹ ولایتیده کوچلی یاغینگرچیلیک، چقماق، بوران و سوو تاشقینی یوز بیریشیدن آگاهلنتیرگن.
اوشبو ریاست ایکس صحیفهسیده بیر بیانیه ترقهتیب، بوگون (۶-حمل، چهارشنبه)، بدخشان، تخار، قندوز، بغلان، کنر، بلخ، پروان، پنجشیر، کاپیسا، کابل، لوگر، پکتیا، نورستان، لغمان، ننگرهار، خوست، پکتیکا، زابل، ارزگان، دایکندی، غور، بادغیس، سرپل، بامیان، میدانوردک، غزنی، سمنگان، جوزجان و فاریاب ولایتلریده قار و یامغیر یاغیشی و سوو تاشقینی یوز بیریشینی پیشبینلیک قیلگن.
بیزلرنینگ فیسبوک صحیفهمیزگه باش اورینگ!
بیانیهده کیلیشیچه، مذکور ولایتلرنینگ تورلی منطقهلریده یامغیر یاغیش میزانی ۱۵دن ۵۰ ملیمتر و قار یاغیش میزانی ۱۰ دن ۳۰ سانتیمتر بولیشی ممکن. شونینگدیک هواشناسلیک ریاستی، سالنگلر شامل مملکتنینگ جنوبشرقی، شمالشرقی و مرکزی ولایتلریده، بیر ساعت ایچیده ۵۰ دن ۸۰ کیلومتر سرعت بیلن بوران یوز بیریشیدن آگاهلنتیرگن.
