غور، بادغیس و بدخشان ولایت‌لریده کمبغل عایله‌لردن قطاری نینگ ایتیشلریچه، مؤسسه‌لر تامانیدن یاردم‌لر کیسیلیشی و ساووق کوچه‌یشی بیلن، ییگولیک و یاقیلغی ماده ساتیب آلیش توان‌لری یوق دیر.
غور مرکزی فیروز کوه شهری یشاوچیسی ۲۷ یاشلی مریم، آلتی کیشی‌لیک بیر عایله نینگ سرپرستی دیر ایتیشیچه، مؤسسه‌لر تامانیدن یاردم‌لر کیسیلیشی و ساووق کوچه‌یشی بیلن، هر کونی باله‌لری بیلن بیرگه بیر لقمه نان تاپیش و یشش اوی‌لرینی ایسیتیش اوچون فیروز کوه شهری ده سرگردان بولیب کون‌لرینی آخشم قیله‌دی.
مریم نینگ سلام‌وطندار گه ایتیشیچه، اوزی و باله‌لری ساووق باعث کسل بولگن و اقتصادی قیینچیلیک طفیلی دارو ساتیب آلیش گه توانی ییتمه‌یدی.
بیزلرنینگ فیسبوک صحیفه‌میزگه باش اورینگ!
اونگه کوره: «اقتصادیمیز ضعیف دیر؛ هیچ نرسه‌میز یوق، ییگولیک و یاقیلغی ماده‌میز یوق دیر. بولر همه‌سی قیینچیلیک دیر. مؤسسه‌لر یاردم بیرمسه برچه‌میز نابود بوله‌میز، هوا جوده هم ساووق یشش اوی‌میز هم کوپ ساووق دیر. باله‌لریم و اوزیم کسل بولگن‌میز، هر کونی بازار دن چیقیندی‌لرنی آلیب کیله‌میز او بیلن اوی ایسیمه‌یدی.»
کمبغل‌لیککه علاوه یاردم بیرووچی مؤسسه‌لر نینگ یاردم‌لری کیسیلیشی، هوا ساووق بولیشی و مملکت بازارلریده ییگولیک ماده‌لر نرخی یوقاری‌لیگی باعث، کمبغل عایله‌لرنی تورلی خیل قیینچیلیک بیلن روپه‌ره قیلگن.
بدخشان یشاوچیسی محمدالدین نینگ سلام‌وطندار گه ایتیشیچه: «یاردم بیرووچی مؤسسه‌لر اوز یاردم‌لری گه دوام بیریشی کیره‌ک. ساووق هوا ده بیز کبی یوزلر عایله قیینچیلیک بیلن روپه‌ره دیر.»
شونینگدیک غور یشاوچیسی حبیب‌الله گه کوره: «بیز برچه مؤسسه‌لردن یاردم‌لری گه دوام بیریشنی ایسته‌یمیز، یاردم‌لر کیسیلسه برچه‌میز نابود بوله‌میز. بیر تاماندن قیش دیر، باشقه تاماندن کمبغل‌لیک دیر، بیزنی هیچ نرسه‌میز یوق.»
شو بیلن بیرگه، غور محلی مسئوللری نینگ ایتیشلریچه، اوشبو ولایتده فعال مؤسسه‌لر اویغون‌لیگی بیلن، بیر قطار محتاج عایله‌لر گه یاردم توزیع قیلگنلر.
بیزلرنینگ توییترده هم تعقیب قیلینگ!
غور معلومات و مدنیت باشلیغی عبدالحی زعیم نینگ ایتیشیچه: «غور ده‌گی کمبغل قطار عایله‌لر گه، طبیعی آفت‌لرنی باشقریش و مهاجرلر ریاستی تامانیدن یاردم توزیع بولدی، ینه هم ضرورت بولسه اولر گه حتمن یاردم بیریله‌دی، یاردم آلمه‌گن عایله‌لر اوز عریضه‌لرینی مسئول‌لر بیلن شریک قیلسین‌لر.»
قشاق و کمبغل عایله‌لر عین‌حالده ییگولیک و یاقیلغی ماده ساتیب آله آلمسلیک‌لریدن شکایت قیلماقده‌لر که، ایچکی و خارجی نادولتی مؤسسه‌لرده عیاللر نینگ ایشی توخته‌تیلیشی بیلن، یاردم بیرووچی خلق‌ارا تشکیلات‌لر افغانستان ده اوز فعالیت‌لرینی توخته‌تگن و قطار ولایت‌لرده هوا منفی ۳۵ درجه سانتی‌گراد پس توشگن.