اوتگن کون (یک‌شنبه، ۲۲ عقرب) قار و بوران باعث کابل-غور قتناو یولی یاپیلگن. اوشبو قتناو یول نینگ «بکک» داوانی (کوتلی) ده بند قالگن یولاوچیلردن قطاری تیز یاردم گه نیازمندلر.
اولر نینگ ایتیشلریچه، خاتین‌لر، باله‌لر و کسل‌لر شامل ۱۵۰ یولاوچی بکک داوانی ایکی تامانیده بند قالگنلر.
قار و بوران طفیلی بکک کوتلی ده بند قالگن یولاوچیلر نینگ ایتیشلریچه، اولرنی قوتقریش و یول نی آچیش اوچون حاضرگچه قوترو تیمی کیلمه‌گن.
بیزلرنینگ فیسبوک صحیفه‌میزگه باش اورینگ!
غور-کابل قتناو یولی، یولاوچیلریدن خیرمحمد نینگ ایتیشیچه: «بو ییرده حاضر ۷ موتر بند قالگن اولر آره‌سیده خاتین‌لر، باله‌لر و کسل‌لر بار، حاضرگچه یاردم بیریلمه‌گن، غور و بامیان محلی مسئوللریدن اوشبو یولنی آچیش اوچون تیزلیک بیلن اقدام قیلیش‌لرینی طلب قیله‌میز.»
یولاوچیلردن باشقه بیری محمدرضا گه کوره: «اوتگن کون ایرته‌لب کیچه حرکت قیلگن موترلر کوتل دن اوتگندن کیین قار باشلب و حاضر یول یاپیلگن.»
اوشبو قتناو یول موتر هیداوچیلریدن محمدرضا نینگ ایتیشیچه، قار و بوران باعث بکک کوتلی یاپیلگن و اوتگن کوندن حاضرگچه بامیان یکاولنگ تومنیده یول آچیلیشینی کوتماقده‌لر.
عین‌حالده، غور ییر ترانسپورت آمری ضیاءالحق جندالله گه کوره، بکک کوتلی یولی آچیلمه گونچه، غور-کابل قتناو یولی یولاوچیلری گه سفر قیلیش اجازه‌سینی بیرمه‌یدیلر.
بیزلرنینگ توییترده هم تعقیب قیلینگ!
جناب جندالله نینگ ایتیشیچه، مذکور ولایت نینگ عامه منفعت ریاستی و محلی اداره مسئوللری نینگ اویغون‌لیگی بیلن یولنی آچیش و یولاوچیلرنی قوتقریش مقصدیده سعی و حرکت قیلماقده‌لر.
غور-کابل قتناو یولیده «بکک» کوتلی، بامیان و غور ولایت‌لری آره‌لیغیده جایلشگن. قار یاغیب و بوران بولگن تقدیرده اوشبو یول هردایم یولاوچیلر یوزی گه یاپیلیب و ایریم قیینچیلیکلر گه سبب بوله‌دی.