قیش موسومی عرفه‌سیده غور بازارلریده گاز نرخی آشگن. غور مرکزی فیروزکوه شهری یشاوچیلریدن بیرقطاری نینگ ایتیشلریچه، اوشبو ولایت ده سونگی ایکی هفته ده گاز نرخی ۶۵ افغانی دن ۸۰ افغانی گه آشگن.
اولر دولت دن، غور ولایتی بازارلریده گاز نرخینی کنترول قیلیش‌لرینی سوره‌یدیلر.
غور ولایتی یشاوچیلریدن معروف نینگ ایتیشیچه: «گاز قیمت، هوا ساووق کوپ سانده یشاوچیلر اقتصادی قیینچیلیک بیلن دوچ دیر، اسلام امیرلیگی دن گاز نرخینی کنترول قیلیشنی ایسته‌ی‌میز، ۵۰ افغانی بولسین و ۴۰ افغانی بولسین.»
بیزلرنینگ فیسبوک صحیفه‌میزگه باش اورینگ!
غور یشاوچیلریدن باشقه بیری سعید گه کوره: «هر ییلی قیش موسومی ییتیب کیلیشی بیلن گاز قیمت بوله‌دی، نیچه کون آلدین گاز نرخی ۶۵ افغانی ایدی حاضر ۸۵ افغانی بولگن، بو نیمه احوال؟ یاقیلغی ماده‌لر قیمت بولمسلیگی اوچون دقت قیلیش‌لرینی ایسته‌ی‌میز.»
غور ولایتیده گاز ساتووچیلردن بیرقطاری، گاز قیمت بولیش سببینی خلق‌ارا بازارلرده گاز قیمت بولیش و سالیق آشیشی عنوان قیلیب و مذکور ولایت محلی مسئوللری دن اوشبو قیینچیلیک‌لر حلی اوچون دقت قیلیش‌لرینی طلب قیله‌دیلر.
غور ده گاز ساتووچیلردن محمدسلیم نینگ کوپه‌یتیریشیچه: «۱۰ و ۱۵ کوندن بیری گاز نرخی آشگن، سببی هم خلق‌ارا بازارلرده گاز قیمت بولگن، بیز هم مجبورلیک دن آلیب کیله‌میز، هر کیلو دن بیش و آلتی افغانی فایده آله‌میز.»
غور ده گاز ساتووچیلریدن باشقه بیری نظام‌الدین گه کوره: «بیز ساتووچی اوله‌راق نیمه قیلیشنی بیله‌میز، نرخ‌لر فرق قیله‌دی، بیر کون نرخ کوتیلمس درجه ده آشه‌دی. مسئوللردن بوتوغریده دقت قیلیش‌لرینی ایسته‌ی‌میز.»
بیزلرنینگ «ایکس» ترماغی ده هم تعقیب قیلینگ!
غور محلی مسئوللری، گاز قیمت بولیش سببینی خلق‌ارا بازارلرده گاز نرخی قیمت بولیشی عنوان قیلیب ایتیشلریچه، اوشبو ولایت ده گاز نرخینی کنترول قیلیش اوچون مذکور ولایت ده انچه ییل آلدین دن قالگن گاز ذخیره‌سینی توزه‌تیب و توزیع قیلیش جریانینی باشلش مقصدیده، سعی‌وحرکت قیلماقده‌لر.
غور ولایتی نفت و گاز مدیری محمدابراهیم خلیل گه کوره: «غور نفت و گاز قازیب چیقریش عمومی شرکت مدیری نینگ ۴۶۰ تُن سیغه‌دیگن گاز ذخیره‌سی بار، افسوس بیلن سونگی ییل‌لرده او بوزیلگن، افغانستان نفت و گاز عمومی ریاستیدن تخنیکی تیم قیلکن و حاضر تعمیرلشماقده، بو ذخیره تعمیرلنیب و تولدیریلیشیدن کیین انشاءالله گاز قیمتینی کنترول قیلیشی‌میز.»
قیش عرفه‌سی و اولکه یشاوچیلری اینیقسه غور اهالیسی ایش‌سیزلیک و اقتصادی قیینچیلیک بیلن دوچ ایکن، اولر گاز قیمت بولیب و ساتیب آلالمسلیک‌لریدن شکایت قیلماقده‌لر.
