خلق‌ارا آزیق_آوقات دستوری، ینگی‌لیکده بیر اعلامیه ترقه‌تیب ایتیشیچه، انسان پرورلیک یاردم‌لر دواملی شکلده صورت تاپمه‌گن تقدیرده، افغانستان یشاوچیلریدن یوزلرچه‌سی تیریک قالیش اوچون یاردم گه محتاج بولیب و اوشبو مملکت ده انسانی فاجعه یوز بیریشی ممکن.
خلق‌ارا آزیق_آوقات دستوری نینگ کوپه‌یتیریشیچه، اپریل آیی‌ده افغانستان نینگ ۱۳ میلیون یشاوچیسی گه یاردم بیریش اوچون، ۹۳ میلیون دالر و کیله‌سی آلتی آی اوچون ۸۰۰ میلیون دالر گه نیاز دیر.
خلق‌ارا آزیق_آوقات دستوری گه کوره، بودجه کم‌لیگی باعث مارچ آیی‌ده چمه‌سی تورت میلیون کیشی، نیازلریدن یالغیز یریمینی قولگه کیلتیریش‌لری ممکن.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، محتاج کیشی‌لردن قطاری نینگ ایتیش‌لریچه، عایله اعضالری نینگ نفقه‌سینی تأمینله‌ی آلمسلیک و اقتصادی قیینچیلیک باعث باله‌لری تورلی خیل قیینچیلیک بیلن روپه‌ره بولگن.
کابل یشاوچیلریدن زمزمه نینگ سلام‌وطندار گه ایتیشیچه: «اوی ده ۱۰ کیشی‌میز، اویی‌میز کرایی و ۲ یریم مینگ کرایه بیره‌میز. اوی‌میز جوده‌یم ایسکی و یامان بیر وضعیت‌ده حیات کیچیرماقده‌میز. دربدر و خاک به سر‌میز. خدادن باشقه هیچ کیمی‌میز یوق. درست بیر سرپرستی‌میز یوق. بیر کیکسه بار که او هم پودر چکیب اوی نینگ بیر تامانیده اولتیرگن.»
کابل یشاوچیلریدن باشقه بیری مسکا گه کوره: «شونده‌ی بیر کون هم بولگن که بیر ایکی دانه نان قولگه کیلتیریب و باله‌لریم گه آلیب کیلگن‌من و اوزیم ییمه‌گن‌من. ساغلیق قیین‌چیلیگیم بار، بیراق ینه هم بیری نینگ اویی گه باردیم و کییم‌لرینی یودیم که، بیران ۵۰ روپیه بیرسین‌لر و اوی گه ۵ دانه نان کیلتیره‌ی دیب. وضعیتی‌میز جوده‌یم خراب، ۱۲ مینگ اوی کرایه‌سیدن قرض‌دار‌من. اوتگن کون‌دن بیری اوی کرایه‌سی نی بیرینگ دیب کیله‌دی. تیز اوی کرایه‌سی نی تاپیب بیر دیدی.»
شونینگدیک، غور یشاوچیسی سید‌بی‌بی نینگ ایتیشیچه، او و عایله‌سی نیچه کون‌دن بیری هیچ نرسه ییمه‌گنلر و آزیق_آوقات‌لری هم یوق دیر.
بیزلرنینگ توییترده هم تعقیب قیلینگ!
اونگه کوره: «هیچ نرسه‌میز یوق. کوپ قیین بیر وضعیت‌ده قالگن‌میز. هیچ کیم هم یاردم بیرمه‌یدی. مؤسسه‌لر گه یاردم بیرینگ دیگنیمیز پیتده، مؤسسه‌لر یاردمی کیسیلگن دیه‌دیلر. بعضی وقت بیران کیشی بیرته نان، بیر پیاله چای کمک قیله‌دی.»
عین حالده، اقتصاد وزیرلیگی سوزلاوچیسی نینگ ایتیشیچه، اوشبو وزیرلیک قشاق‌لیک بیلن قرشی کوره‌ش و اهالی گه ایش فرصتی یره‌تیلیشی اوچون سعی و حرکت قیلماقده.
او نینگ کوپه‌یتیریشیچه: «اقتصاد وزیرلیگی نینگ ایش اولویتی بولگن نرسه، بیرینچی‌دن ایچکی ناخالص تولید‌لر بولیمی ثباتی دیر که حاضرگی وضعیت نی نظر گه آلیب ایکینچی‌لیک، کان و صناعت ساحه‌لریده سرمایه یاتقزیش دیر. که اهالی گه هم ایش زمینه‌سی یره‌تیلیب و قشاق‌لر سانی کمه‌یشیگه سبب بوله‌دی.»
خلق‌ارا آزیق_آوقات دستوری گه کوره، افغانستان یشاوچیلریدن ۲۰ میلیونی، کیینگی وقت ییمک‌لری نینگ قنده‌ی و قیردن قولگه کیلتیریش‌لرینی بیلمه‌یدیلر و اولردن آلتی میلیونی قحط‌چیلیک بیلن روپه‌ره‌لر.