غور ده سپورتچیلر دن بیرقطاری نینگ ایتیشلریچه، اوشبو ولایت مرکزی فیروزکوه شهری ده معتادلرنی آگاه‌لنتیریش کمپاین نی، بنگی‌وار ماده‌لر نی ترک قیلیش و معتاد کیشی‌لر نینگ سپورت گه ترغیب قیلیش مقصدیده یولگه قویگنلر.
غور مرکزی فیروزکوه شهری ده بوکس بولیمی سپورتچیسی عبدالقاسم فردوسی و باشقه بیر قطار سپورتچیلر گه کوره، ایکی هفته دن بیری بنگی‌وار ماده‌لر نی ترک قیلیش و اولر نی سپورت گه ترغیب قیلیش اوچون هریرود دریاسی یانیده آگاهی‌لیک بیریش کمپاین یولگه قویگنلر.
بیزلرنینگ فیسبوک صحیفه‌میزگه باش اورینگ!
او نینگ ایتیشیچه: «بیز بو کمپاین نی معتادلر اوچون یولگه قویدیک، یاش‌لر بوندن آرتیق بنگی‌وار ماده‌لر گه چلینمه‌سین‌لر، بو خوفلی قیینچیلیک دیر، دولت و بای‌به‌دولت کیشی‌لر دن معتادلر اوزلرینی دوالش اوچون اولر گه یاردم بیریش‌لرینی ایسته‌یمیز.»
فردوسی نینگ ایتیشیچه، معتاد کیشی‌لر نی دوالش اوچون معتادلرنی دوالش کسلخانه‌لری گه تانیشتیریب و قیته دن ساغلام انسان صفتیده جمعیت و عایله‌لری گه قیتیریش مقصدیده سعی‌وحرکت قیلماقده‌لر.
یریم عمرلرینی بنگی‌وار ماده‌لرنی استعمال قیلیش ایشلری بیلن اوتکزگن معتادلردن بیرقطاری، کمبغل‌لیک، ایش‌سیزلیک و مهاجر بولیش نی معتاد بولیش‌لری عاملی عنوان قیلیب ایتیشلریچه، بنگی‌وار ماده‌لرنی استعمال قیلیش بیلن اولر جمعیت و عایله‌لری دن اوزاقلشگن.
بنگی‌وار ماده‌لر معتادی مولا داد نینگ ایتیشیچه: «هیچ کیم بنگی‌وار ماده گه چلینمه‌سین، آوازیمیزنی ایشیته‌دیگن اوسمیرلر، ییگیت‌لر سگرت نینگ بیر دودی اورنیده سپورت قیلسین‌لر، کوریب توریب‌سیزلر بیچاره‌میز، بخت‌سیز میز، عیال، باله و برچه نرسه دن اوزاق میز.»
بنگی‌وار ماده‌لر معتادی دن باشقه بیری عبدالحق گه کوره: «کوچه ده کیته‌یاتگن بولسک بیز گه قره شه‌دی، اوغیرلیک اوچون کیلیشگن دیب اویلشه‌دی بیزنی ایسه تاشلب و بیزاوته قیله‌دیلر. ییگیت‌لر دن درس اوقیب آته و آنه‌لری نینگ مصلحت‌لرینی تینگلب بنگی‌وار ماده‌لر گه چلینمسلیک‌لرینی ایسته‌یمیز، بیز چیکه‌یاتگن عذاب و بخت‌سیزلیک ییترلی دیر.»
برچه‌سی بیلن، غور ولایتی معتادلر ۲۰ بسترلیک کسلخانه مسئوللری نینگ ایتیشلریچه، معتادلر بنگی‌وار ماده‌لرنی ترک قیلیش و اوزلرینی دوالش مقصدیده اولر ساغلیک مرکزلر گه مراجعت قیلیش اوچون بو کبی کمپاین‌لر یولگه قوییلیشی اونیملی دیر.
بیزلرنینگ «ایکس» ترماغی ده هم تعقیب قیلینگ!
معتادلر کسلخانه‌سی ده شفاکار محمدگل احمدی گه کوره: «بو کبی کمپاین یولگه قوییلیشیدن خورسند میز، برچه کیشی آگاهی‌لیک تاپیب اوزلرینی کیلیب دواله‌سین‌لر. غور لایتی معتادلرنی دوالش ۲۰ بسترلیک کسلخانه‌سی ده حاضر ۱۵ کیشی دوالنماقده، بیز هردایم کسل‌لرنی دوالب و اولر گه مصلحت بیره‌میز.»
غور ولایتی شفاکارلری و سپورتچیلری گه کوره، بنگی‌وار ماده‌لرنی استعمال قیلیش تنفسی سیستم گه ضرر ییتکیزیش گه قوشیمچه، تیری بوزیلیشی، آغیز و تیش‌لر نینگ چیریشی، روحی کسل‌لیک، اجتماعی و اقتصادی قیینچیلیککه سبب بوله‌دی.