هرات امنیتی مسووللری نینگ ایتیشلریچه، اوشبو ولایت نینگ غوریان تومنینی پولیس قومندانی طالبان هجومی نتیجهسیده هلاک ایتیلگن.
هرات پولیس قومندانلیگی سوزلاوچیسی عبدالاحد ولیزاده نینگ ایتیشیچه، طالبان جنگریلری اوتگن کیچه اوشبو ولایت نینگ غوریان تومنی اوستیگه هجوم قیلگن.
جناب ولیزاده گه کوره، امنیتی کوچلر و طالبان جنگریلری آرهسیده یوز بیرگن آتیشمه نتیجهسیده غوریان تومنی نینگ پولیس قومندانی نقیبالله سلطانزی شامل ۴ حربی هلاک ایتیلگن.
هرات پولیس قومندانلیگی سوزلاوچیسی نینگ کوپهیتیریشیچه، مذکور آتیشمهده طالبان ایکی قومندانی شامل ۵ جنگریسی هلاک و باشقه ۷ جنگریسی یرهلنگن.
عینحالده، غوریان تومنیدن کیملیگی سیرقالیشنی ایستهگن اعتبارلی بیر منبع نینگ سلاموطندارگه ایتیشیچه، بو واقعهده ۴ پولیس یرهلنگن.
منبع نینگ ایتیشیچه، امنیتی کوچلر و طالبان جنگریلری آرهسیده بولگن آتیشمه ساعتلرچه دوام قیلگن، بیراق یاردم یوباریلمهگنی سبب، اوشبو تومن پولیس قومندانی هلاک ایتیلگن.
مذکور منبع نینگ کوپهیتیریشیچه، مذکور آتیشمهدن محل یشاوچیلری هم کوپینچه زیان کورگن.
طالبان گروهی حاضرگهقدر بوتوغریده فکر بیلدیرمهگن.
