مملکت جمهور رئیسی محمداشرف غنی نینگ ایتیشیچه، میدان‌وردک ولایتی نینگ بهسود تومنیده یوز بیرگن واقعه‌ده قربان بولگنلرنینگ انتقامی آلینه‌دی.
بوگون “شنبه” جمهورلیک ریاستی نینگ بیر اعلامیه آرقه‌لی ایتیشیچه، جناب غنی بوگون “شنبه” توشدن آلدین میدان‌وردک ولایتی نینگ بهسود تومنیده قربان بولگن حربی‌لرنینگ عایله اعضالری بیلن تلفون آرقه‌لی صحبت اوتکزگن.
اعلامیه‌ده ایتیلیشیچه: « جناب غنی، قربان بولگنلرنینگ عایله اعضالریگه عامل‌لردن انتقام آلینیشیدن ایشانچ بیریب و بو جنایت جواب‌سیز قولمه‌یدی دیگن.»
ایتیلیشیچه، ایکی کون آلدین ملی مدافعه وزیرلیگی بیر اعلامیه آرقه‌لی، هوایی کوچلر بیر تیک‌اوچری میدان‌وردک ولایتی نینگ بهسود تومنیده سقوط قیلگنیدن خبر بیریب و نتیجه‌ده ۹ کیشی هلاک ایتیلگنی‌نی بیلدیرگن ایدی.
شونینگدیک، بوگون “شنبه” ملی مدافعه وزیرلیگی مذکور تیک‌اوچر عبدالغنی علی‌پور گه تیگیشلی قوراللی جنگری‌لر تامانیدن هدف آستیگه قرار بیریلگنی‌نی بیلدیرگن.
