غزنی ده محلی مسئوللر، اوشبو ولایت‌ده اوروش‌دن پارتلمه‌ی قالگن پارتلاوچی مادهلر پارتلشی عاقبتیده، ایکی باله‌نینگ یره‌لنگنی‌نی تصدیق قیلگنلر. مذکور واقعه ۲۳-حمل، شنبه کونی عصر چاغی غزنی ولایتی اندر تومنی‌نینگ «نوری قلعه» قیشلاغیده یوز بیرگن.
بیزلرنینگ «ایکس» ترماغی ده هم تعقیب قیلینگ!
غزنی امنیه قوماندانلیگی سوزلاوچیسی خالد سرحدی‌نینگ سلام‌وطندار گه ایتیشیچه، بو واقعه اوتگن اوروشلردن پارتلمه‌ی قالگن پارتلاوچی ماده‌لر‌نینگ پارتلشی نتیجه‌سیده یوز بیریب، بیر اوغیل و بیر قیز باله‌نینگ یره‌لنیشی‌گه سبب بولگن.
غزنی امنیه قوماندانلیگی سوزلاوچیسی‌نینگ کوپه‌یتیریشیچه، مذکور ایکی باله دوالنیش مقصد اندر تومنی کسل‌خانه‌‌سی‌گه انتقال بیریلگن.
بیزلرنینگ فیسبوک صحیفه‌میزگه باش اورینگ!
غزنی، حاضرگچه تومن‌لریدن قطاری‌نینگ اوتگن اوروش‌لر جریانیدن پارتلمه‌ی قالگن ماین و پارتلاوچی مادهلر بیلن افلاسلنگن ولایت‌لردن بولیب و شونینگدیک بوندن آلدین هم اوشبو ولایت‌ده بو کبی واقعه‌لر یوز بیرگنی عاقبتیده باله‌لردن قطاری اولیب و یره‌لنگن.
