غزنی ده نسایی-ولادی بولیمی شفاکارلریدن بیرقطاری، آغیر ایشلرنی قیلیش و اوز باشیمچه‌لیک دارو استعمال قیلیش طفیلی، حامله‌دار عیاللر اورته‌سیده انارمل (غیرطبیعی) قان کیتیش کوپه‌یگنینی ایته‌دیلر.
غزنی ولایتی‌ده‌گی شفاکارلردن محمدعاطف نوری نینگ سلام‌وطندار گه ایتیشیچه، اوشبو ولایت‌ده حامله‌دار عیاللر اورته‌سیده انارمل قان کیتیش کوپهیگن و مذکور قان کیتیشلر سببی حامله‌دار عایللر اورته‌سیده آغیر ایشلرنی قیلیش و اوز باشیمچه‌لیک دارو استعمال قیلیش دیر.
بیزلرنینگ «ایکس» ترماغی ده هم تعقیب قیلینگ!
اونینگ کوپه‌یتیریشیچه: «کلینیکلر و نسایی-ولادی شفاکارلری گه مراجعت قیله‌دیگن عیاللردن کوپینچه‌سی، قیغو بیلن آغیر ایشلرنی قیلگنلر؛ آغیر ایشلرنی قیلگنلریده، مذکور آنه‌لر آره‌سیده انارمل قان کیتیش کوپراق بوله‌دی و شونینگدیک حامله‌دار عیاللر اورته‌سیده انارمل قان کیتیش کوپه‌یماقده.»
غزنی ده خصوصی بیر کیلینککه دوالنیش اوچون بارگن آنه‌لردن بیری راحله نینگ ایتیشیچه، آغیر ایشلرنی قیلیش اونینگ انارمل قان کیتیش‌لرگه چلینیشی‌گه سبب بولگن.
اونینگ کوپه‌یتیریشیچه: «نیچه کون آلدین اوی‌ده کوپ ایشیم بار ایدی، آغیر نرسه‌لرنی کوتاردیم که بو قیینچیلیک بیلن روپه‌ره بولدیم. بیرینچی فرزندیم‌ده هم قان کیتگن ایدی، شفاکار گه باردیم، اوز باشیمچه‌لیک دارو استعمال قیلمه دیدی. اوی ایشلریده هم یالغیز‌مین، اوی ایشلرینی قیلمسه‌م هم بولمه‌یدی. احتیاط هم قیله‌من، دارو هم آلگن‌مین.»
شونینکدیک غزنی ده حامله‌دار عیاللر، حامله‌دارلیک چاغیده انارمل قان کیتیشلر خصوصیده خواطر بیلدیریب و ایتیشلریچه، آغیر ایشلرنی قیلیش اولر نینگ انارمل قان کیتیش‌لرگه چلینیشی‌گه سبب بولگن. مذکور عیاللردن قطاری نینگ کوپه‌یتیریشلریچه، حامله‌دارلیک چاغیده انارمل قان کیتیشلر، اولرنینگ ضعیف بولیشی گه سبب بولیب و شونینگدیک جنین‌لری سلامتلیگی خصوصیده خواطرلنگنلر.
بو توغریده حامله‌دار عیاللردن بیری زینب نینگ سلام‌وطندار گه ایتیشیچه: «بیرینچی فرزندیم‌ده هم بو قیین‌چیلیگیم بار ایدی؛ بیراق آز ایدی. ایکی هفته که بو قیینچیلیک تاپیلدی، ضعیف هم بولگن‌مین، کوپ آغریغیم یوق: بیراق قیین‌چیلیککه‌مین. بیزلر گه درست‌راق دارو بیریلیشی و حل یول کورسته‌تیلیشینی ایسته‌یمیز. بیراز تشویش گه مین.»
شونینگدیک حامله‌دار عیاللردن باشقه بیری نسرین نینگ ایتیشیچه: «نیچه کون دیر که نامنظم قان کیتیشیم بار؛ بیران قیینچیلیک چیقمه‌سین دیب تشویش‌‌ده‌مین. انه شوو حامله‌دار‌لیک‌ده بو قیینچیلیک نی تاپدیم؛ حاضرگچه شفاکار گه بارگنیم یوق. بوگون شفاکار گه کیلدیم، نوبتیم نی کوتیب تورگن‌مین.»
بیزلرنینگ فیسبوک صحیفه‌میزگه باش اورینگ!
غزنی نینگ خصوصی کلینیک‌لریدن بیری گه بارگن آنه‌لردن بیری سلیمه نینگ ایتیشیچه: «قان کیتیش تاپیلگنی‌دن ایکی-اوچ کون بولدی. بوگون شفاکار گه کیلدیم. آلیتینچی آییم دیر؛ بوگون کیلدیم، بیراق هیچ نوبت ییتیشمه‌یدی. کوره‌ی قنی نیمه بوله‌دی، خدا مهربان.»
ایتیش کیره‌ک که، حامله‌دارلیک چاغیده آنه‌لر نینگ ییترلیچه آگاهی‌سی بولمه‌گنی، قشاق‌لیک، آغیر ایشلرنی قیلیش و درست آوقت‌لنمسلیک، حامله‌دارلیک چاغیده عیاللر گه ضرر ییتیشتیره‌دیگن قیین‌چیلیک‌لردن دیر که، بعضا عیاللرنی تورلی‌خیل کسل‌لیکلر گه چلینتیره‌دی.
