غزنی ده صناعتچی عیاللر نینگ ایتیشلریچه، اوتگن ایکی ییلده ایشلری کسادلیککه یوز توتیب و اوتگن ییللر کبی ساتیش و بویورتمهلری یوق دیر. غزنی ده صناعتچی عیاللردن گلچمن رحیمی، ایش و تولیدلری نینگ کسادلیگی نی بیان قیلهدی.
بانو رحیمی نینگ سلاموطندار گه ایتیشیچه، صناعتچی و سوداگر عیاللر نینگ درآمدی سیزیلرلی درجهده کمهیب و غزنی ده عیاللر قول صناعتی ساتیلیشی اوچون هیچ بازار یوق.
اونینگ کوپهیتیریشیچه: «قول صناعتی بولیمیده که اوزیم هم عیاللر بیلن بارمین، جودهیم عیاللر ایشی وضعیتی یامان. بیران نرسه توزتسهلر آلیب کیلهدیلر یا-ده کرایی آلیب کیلیب تیکهدیلر که قیمتلر قویی دیر. کرایه آز دیر. دکاندارلر کوپ آز قیمت گه آلهدیلر. مشتری یوق؛ ایش یوق و وضعیت خراب دیر.»
بیزلرنینگ فیسبوک صحیفهمیزگه باش اورینگ!
مذکور صناعتچی عیال، غزنی ده «عیاللر گه مخصوص بازار» یرهتیلیشی و سرپرست حکومت آرقهلی اولر نینگ ایشلریدن حمایت بولینیشی نی ایستهگن. اونینگ کوپهیتیریشیچه: «عیاللر گه مخصوص بیر بازار یرهتسینلر که عیاللر گه هم یخشی بولهدی و توارلری نی ساته آلهدیلر و درآمد قولگه کیلتیره آلهدیلر.»
غزنی ده نیچه ییلدن بیری خامکدوزلیک بیلن شغللنگن عیاللردن عادله، ایش بازاری تنزل گه یوز توتگنیدن شکایت قیلیب و ایتیشیچه، اهالی قولده تیکیلگن خامککه قرهگنده ماشینده تیکیلگن خامک نی کوپراق قیمتی آزلیگی اوچون ایستهیدی.
عادله نینگ کوپهیتیریشیچه: «ساتیب آلمهیدیلر؛ چونکه غزنی ده برچه عیال خامکدوزلیک نی بیلهدی و اونچهلیک بازاری یوق. شو رقم اهالیدن کوپینچهسی مارکیتلردن ساتیب آلهدیلر. قول صناعتی جودهیم کمهیگن.»
غزنی ده صناعتچی عیاللر اسلام امیرلیگی حکومتی و همکار نهادلر آرقهلی سوداگر عیاللر نینگ حمایت بولینیشی نی ایستهب و ایتیشلریچه، عیاللر قول صناعتی عایلهلردن کوپ قطاری اوچون یخشی درآمد منبعسی حسابلنهدی و بو صناعت نینگ کسادلیککه یوز توتگنی بیلن عایلهلر هم درآمدلرینی قولدن بیرهدیلر.
غزنی دهگی صناعتچی عیاللردن بیری فوزیه غلامی نینگ ایتیشیچه: «دولتدن اوتمیش کبی عیاللر قول صناعتیدن حمایت بولینیشی و عیاللر نینگ کیچیک تجارتلری اوچون رواجلنیش زمینهسی یرهتیلیشی نی ایستهیمیز. غزنی ده قول صناعتی عایلهلر اوچون یخشی درآمد منبعسی دیر و دولت بیلن موسسهلر حمایت قیلگنیده عیاللر قول صناعتی یولی آرقهلی مینگلرچه عایله، یخشی درآمد قولگه کیلتیره آلهدی.»
غزنی ده صناعتچی عیاللر قیینچیلیگی خصوصیده، اوشبو ولایت صناعت و سوداگرلیک ریاستی مسئوللری مذکور عیاللردن حمایت بولینیشی اوچون سعیوحرکتلر باشلنگنی نی بیان قیلیب و ایتیشلریچه، تیزلیککه غزنی ولایتیده سوداگر عیاللر ایشی رواجلنیشی مقصد قول صناعتی بویوک کورگزمهسی یولگه قوییلیشی ممکن.
بیزلرنینگ «ایکس» ترماغی ده هم تعقیب قیلینگ!
بو توغریده غزنی صناعت و سوداگرلیک ریاستی نینگ صنعتی پارکلر آمری احمدالله ناصر نینگ سلاموطندار گه ایتیشیچه: «جاری ییل ۵-سرطان، غزنی ده بویوک بیر کورگزمه یولگه قوییلهدی؛ انشاءالله بویوک برنامهلریمیز بار.»
ایتیش کیرهک که، اوتگن ییللرده عیاللر قول صناعتی نی نمایش گه قویلیشی اوچون مخصوص کورگزمهلر نینگ یولگه قوییلیشی، سوداگرلر و اهالی گه اولر نینگ محصوللری نی تانیلیش و ساتیلیشی اوچون زمینه یرهتیشی ممکن ایدی؛ لیکن سونگی اوچ ییلده غزنی ده عیاللر اوچون بو کبی کورگزمهلر یولگه قوییلمهی و حاضر ایسه اوشبو عیاللر بو ولایتده عیاللر گه مخصوص کورگزمه یولگه قوییلیشی نی کوتیب تورگنلر.