غزنی یشاوچیلری حاضرگچه جاری ییل‌‌نینگ ساووق کونلرینی تجربه قیلیشلری بیرحالده، بو ولایت یشاوچیلریدن قطاری بازارلرده ییترلیچه یاغاچ یوقلیگی و اونینگ قیمتی یوقاریلیگی سبب، اوی‌لرینی ایسیتیش اوچون میوه‌لی درخت‌لرنی کیسیش‌گه مجبور بولگنلر.
غزنی یشاوچیلریدن بیری غلام‌سخی‌نینگ ایتیشیچه، اقتصادی قیین‌چیلیک سبب یوقاری قیمت بیلن یاغاچ ساتیب آلیش گه کوچی ییتیشمه‌یدی. اونینگ کوپه‌یتیریشیچه: «یاغاچ ساتیب آلالمه‌یمیز؛ تاغلر یا-ده اوز باغ‌لریمیز‌دن احتیاجی‌میز قدر یاغاچ نی آلیب کیلیش‌گه مجبور‌میز که او هم اونچه‌لیک ییترلی ایمس.»
بیزلرنینگ «ایکس» ترماغی ده هم تعقیب قیلینگ!
غزنی یشاوچیلریدن باشقه بیری گلاب‌الدین‌نینگ ایتیشیچه: «ییترلیچه یاغاچ یوق؛ بولگنی صورت‌ده هم قیمتی کوپ یوقاری دیر و انه شوو سبب، اهالی باغ‌لری‌ده‌گی درخت‌لردن فایده‌لنیش‌گه مجبور بولگن.»
باشقه ولایت‌لر یانیده غزنی بازارلریده یاغاچ کم‌لیگی، اوتگن ییل‌گه قره‌گنده جاری ییل‌ده سیزیلرلی درجه‌ده یاغاچ قیمتی یوقاری کیتیشی گه سبب بولیب و عایله‌لردن کوپ قطاری اوی‌لرینی ایسیتیش مقصد یاغاچ تامین‌لش خصوصیده قیین‌چیلیک بیلن روپه‌ره بولگنلر.
غزنی شهری‌ده قول اوستیده سودا ساته‌دیگن و بازار گه یاغاچ ساتیب آلیش اوچون بارگن محمد‌نینگ ایتیشیچه، بو ولایت‌ده یاغاچ قیمتی اوتگن ییل‌گه قریب ۱۰۰ فایز یوقاری کیتگن. اونینگ کوپه‌یتیریشیچه: «حاضر یاغاچ‌نینگ سیری ۲۰۰ افغانی دیر؛ برچه یاغاچ ساتیله‌دیگن دکان‌لرده یاغاچ تاپیلمه‌یدی. سرگردان بولیب یوریگن‌مین و بیلمه‌یمن نیمه قیلسم.»
شونده‌ی بیرحالده، غزنی ده مسئوللر‌نینگ ایتیشلریچه، یاقیلغی ماده‌لر قیمتی کنترول بولیش برنامه‌سی‌نینگ عمل‌گه آشیریلیشی بیلن، تیزلیککه یاقیلغی ماده تامین‌لنیشی اوچون اهالی قیین‌چیلیگی‌نینگ حل بولیشی ممکن.
بیزلرنینگ فیسبوک صحیفه‌میزگه باش اورینگ!
غزنی ولایت مقامی‌نینگ سکتور و فرهنگ بوییچه ایش بیلرمان و قیمتلرنی کنترول قیلووچی کمیته رهبری مغفور‌الله مغفور‌نینگ سلام‌وطندار گه ایتیشیچه، سونگی ایکی کون ایچیده، غزنی ولایتی‌گه ییترلیچه یاغاچ کیلتیریلیب و تیزلیککه یاغاچ ساته‌دیگنلر گه ینگی نرخ نامه‌لر‌نینگ ترقه‌تیلیشی ممکن. «یاغاچ ساتیلیش پروسه‌سینی نظارت قیلدیک؛ کوپینچه یاغاچ کیلگن و اونینگ ساتیلیشی اوچون تیارگرلیگی‌میز بار؛ کیله‌سی کونلرده یاغاچ قیمتینی تعیین قیله‌میز.»
غزنی قیش‌ده جوده ساووق بولیب و هر ییلی بو ولایت‌ده عایله‌لردن کوپ قطاری کمبغل‌لیک سبب، اوی‌لرینی ایسیتیش خصوصیده نیازلری بولگن یاقیلغی ماده‌لرنی تامین‌لش اوچون قیین‌چیلیک بیلن روپه‌ره بوله‌دیلر.
