غزنی حوزه‌وی کسل‌خانه‌سیده‌گی شفاکارلر و ساغلیق بولیمی ایشلاوچیلریدن قطاری نینگ ایتیشلریچه، ۲۰۲۳-ییل نینگ سونگی تورت آیی‌ده‌گی معاش‌لری، نیچه آی کیچیکیش و ۵۰-۶۰ فایز کمه‌یش بیلن توللنگن. اولر نینگ سلاموطندار گه کوپه‌یتیریشلریچه، سیزیلرلی درجه‌ده معاش‌لری نینگ کمه‌یگنی، اولرنی قیین اقتصادی وضعیت بیلن روپه‌ره قیلگن.
غزنی حوزه‌وی کسل‌خانه‌سیده‌گی شفاکارلردن خیال‌محمد افغان نینگ ایتیشیچه: «بوندن آلدین ۲۱ مینگ افغانی معاشم بار ایدی؛ حاضر ایسه معاشم کمه‌یگن. حاضر نوکریوال‌لیک بیلن معاشم قریب ۱۲ مینگ افغانی گه ییتیشگن. انه شوو سبب بو معاش بیلن عایله خره‌جتی نی تأمین قیله آلمه‌یمن.»
بیزلرنینگ «ایکس» ترماغی ده هم تعقیب قیلینگ!
غزنی حوزه‌وی کسل‌خانه‌سیده‌گی شفاکارلردن باشقه بیری نرگش عزیزی نینگ ایتیشیچه: «بوندن آلدین ۲۶ مینگ افغانی معاشم بار ایدی؛ حاضر کوپ کمه‌یگن. بو معاش‌دن رضایتم یوق. ۱۴ مینگ افغانی بولگن دیه‌دیلر، مین حاضرگچه اونی آلگنیم هم یوق. بو معاش‌دن رضایتی‌میز یوق، چونکه عایله خره‌جتی بوینیمیز گه دیر. اوی کرایه‌سی و موتر کرایه‌سی بوینیم گه دیر و معاشیمیز کوپ کم بولگن.»
شونینگدیک غزنی حوزه‌وی کسل‌خانه‌سیده‌گی شفاکارلردن بیری وحید‌الله، اسلام امیرلیگی و همکار مؤسسه‌لردن، شفاکارلر آیلیگی نی اولر نینگ نیازلری اساسیده توللنیلیشی ایسته‌یدیلر که بو رقم شفاکارلر قیین‌چیلیک‌لردن اوزاق بولیب و کسل‌لر نی درمان قیلسینلر.
اونینگ کوپه‌یتیریشیچه: «اوچ-تورت آی‌دن بیری معاشیمیز توللنمه‌گن؛ توللنمه‌گنی یانیده، یریم هم بولگن. معاش‌لریمیز نینگ مکمل توللنیلیشی و شونینگدیک وقتی‌ده توللنیلیشی نی ایسته‌یمیز؛ چونکه اقتصادی قیین‌چیلیگی‌میز کوپ دیر.»
غزنی حوزه‌وی کسل‌خانه‌سی نینگ ساغلیق بولیمی ایشلاوچیلری و شفاکارلری آیلیکلری کمه‌یگنی خصوصیده اوشبو ولایت ساغلیق‌نی سقلش باشلیغی رسول‌خان نظری، غزنی ده شفاکارلردن قطاری نینگ آیلیگی کمه‌یگنی نی تصدیق‌لب سلاموطندار گه ایتیشیچه، اولر نینگ آیلیگی بوندن آلدین قیزیل خاچ آرقه‌لی توللنه‌ر ایدی.
بیزلرنینگ فیسبوک صحیفه‌میزگه باش اورینگ!
بیراق رسول‌خان نظری گه کوره، تورت آی‌دن بویان اولر نینگ آیلیگی اسلام امیرلیگی حکومتی نینگ ساغلیق‌نی سقلش وزیرلیگی آرقه‌لی توللنه‌دی. او، مؤسسه‌لر و رسمی بست‌لر آیلیگی آره‌سیده‌گی فرق‌لر نی تصدیق‌لب؛ بیراق بوندن سونگ شفاکارلر و ساغلیق بولیمی ایشلاوچیلری معاش‌لری نینگ وقتی‌ده ترقه‌تیلیشی خصوصیده سوز بیرگن.
ایتیش کیره‌ک که، نیچه آی‌دن بویان غزنی حوزه‌وی کسل‌خانه‌سی نینگ تورلی بولیم‌لریده ساغلیق خذمت‌لر ارائه‌سی اوچون، کسل‌لردن فیس هم آلینه‌دی.